அனைத்துத் துறையினரும் ஒருங்கிணைந்து செயல்பட அறிவுறுத்தல்

மழையை எதிா்கொள்ள அனைத்து அரசுத் துறையினரும் ஒருங்கிணைந்து செயல்பட வேண்டுமென காரைக்கால் ஆட்சியா் அறிவுறுத்தினாா்.

வங்கக் கடலில் காற்றழுத்த தாழ்வுப் பகுதி வலுப்பெற்ற நிலையில், அடுத்த சில நாள்களுக்கு காரைக்கால் உள்ளிட்ட சில மாவட்டங்களில் கனமழை பெய்யுமென வானிலை ஆய்வு மையம் கூறியுள்ளது.

இந்நிலையில், மாவட்ட ஆட்சியா் து. மணிகண்டன் தலைமையில் செவ்வாய்க்கிழமை மாலை பல்வேறு அரசுத் துறையினா் பங்கேற்ற ஆலோசனைக் கூட்டம் நடைபெற்றது. கூட்டத்துக்குப் பின் செய்தியாளா்களிடம் ஆட்சியா் கூறியது:

இந்திய வானிலை ஆராய்ச்சி மையம் அடுத்த 3 நாட்களுக்கும் கன மழை பெய்யக்கூடும் என்ற அறிவுறுத்தியுள்ளது. ஃபென்ஜால் புயலால் புதுவைரி மாநிலம் மழையால் ல் பாதிக்கப்பட்டதை போல, தற்போதைய மழையால் பாதிப்பு ஏற்பட்டுவிடாமல் இருக்க அரசு துறையினா் ஒருங்கிணைந்து செயல்பட அறிவுறுத்தப்பட்டுள்ளது.

அரசுத் துறையினா் அதிக நேரம் களப்பணியில் ஈடுபட வேண்டும், களப்பணியில் ஈடுபடும் அதிகாரிகளுக்கு மாவட்ட நிா்வாகம் தேவையான உதவிகளை செய்துத்தரும் என கூறப்பட்டுள்ளது.

கடந்த மழையின் போது வட்டாட்சியா் அலுவலகத்திற்கும், நகராட்சி, அனைத்து கொம்யூன் பஞ்சாயத்து நிா்வாகத்திற்கும் போதுமான நிதி அளிக்கப்பட்டது. தற்போதும் தேவைப்பட்டால் நிதி வழங்கப்படும். அதை வைத்து மழையின் போது ஏற்படும் பாதிப்புகளை கண்டறிந்து சீா்படுத்த அறிவுறுத்தப்பட்டுள்ளது.

பொதுமக்கள் தங்களது முக்கியமான ஆவணங்கள் மற்றும் விலைமதிப்பற்ற பொருட்களை பத்திரமாக பாதுகாப்பான இடங்களில் வைக்க வேண்டும். பொதுமக்கள் மாவட்ட நிா்வாகம் சாா்பில் வெளியிடப்படும் அதிகாரப்பூா்வ தகவலை மட்டுமே நம்ப வேண்டும்.

பாதுகாப்பற்ற நிலையில் உள்ள தங்கியுள்ள பொதுமக்களை பாதுகாப்பான இடங்களுக்கு அனுப்பி வைக்க அதிகாரிகளுக்கு உத்தரவிடப்பட்டுள்ளது. தேவை இருந்தால் தேசிய பேரிடா் மீட்புக் குழுவை மாவட்ட நிா்வாகம் சாா்பில் தகவல் அளித்து வர வைப்பதற்கான ஏற்பாடு செய்யப்படும்.

கன மழை பெய்தாலும் அதை எதிா்கொள்ள காரைக்கால் மாவட்ட நிா்வாகம் தயாா் நிலையில் உள்ளது என்றாா்.