அனைத்து அரசுப் பள்ளிகளிலும் அடிப்படை வசதிகள்: கடலூா் ஆட்சியா்

அனைத்து அரசுப் பள்ளிகளிலும் பயிலும் மாணவா்களுக்கு அடிப்படை வசதிகளை செய்து தர வேண்டும் என்ற நோக்கத்தில், வகுப்பறைகள், கழிப்பறைகள் உள்ளிட்ட வசதிகள் ஏற்படுத்தப்பட்டு வருவதாக கடலூா் மாவட்ட ஆட்சியா் சிபி ஆதித்யா செந்தில்குமாா் தெரிவித்தாா்.

நெல்லிக்குப்பம், பண்ருட்டி நகராட்சிப் பகுதிகளில் மேற்கொள்ளப்பட்டு வரும் திட்டப் பணிகளின் முன்னேற்றம் குறித்து ஆட்சியா் சிபி ஆதித்யா செந்தில்குமாா் வியாழக்கிழமை பாா்வையிட்டு ஆய்வு செய்தாா். அப்போது, அவா் கூறியது: நெல்லிக்குப்பம் நகர ஆரம்ப சுகாதார நிலைய கட்டடம் ரூ.1.20 கோடி மதிப்பில் கட்டப்பட்டு வருவதையும், பண்ருட்டி வட்டார தலைமை மருத்துவமனையில் ரூ.5 கோடி மதிப்பில் கூடுதல் மருத்துவமனை கட்டடம் கட்டப்பட்டு வருவதையும் பாா்வையிட்டு ஆய்வு செய்யப்பட்டது.

அரசுப் பள்ளிகளில் 6, 7, 8-ஆம் வகுப்பு பயிலும் மாணவா்களின் அடிப்படை கற்றல் திறனை மேம்படுத்தும் வகையில், ‘நடுவில் கொஞ்சம் கற்றலைத் தேடி’ திட்டம் செயல்படுத்தப்பட்டு வருகிறது.

அரசுப் பள்ளிகளைச் சோ்ந்த மாணவா்களுக்கு கணிதம், தமிழ், ஆங்கிலம் போன்ற பாடங்களுக்குத் தேவையான அடிப்படை திறன்களை வளா்க்கும் விதத்தில், 3 மாத காலங்களுக்கு சிறப்பு பயிற்சி வகுப்புகள் பொறுப்பு ஆசிரியா்களை கொண்டு வழங்கப்படுகிறது.

இச்சிறப்பு வகுப்புகள் நடைபெறுவதை நெல்லிக்குப்பம் அரசு மகளிா் மேல்நிலைப் பள்ளி மற்றும் திருவதிகை நகராட்சி மேல்நிலைப் பள்ளிகளில் ஆய்வு மேற்கொண்டு, இத்திட்டத்தின் கீழ் பயிலும் மாணவா்களுக்கு சிறப்பு கவனம் செலுத்தி வகுப்புகள் நடத்த ஆசிரியா்களிடம் அறிவுறுத்தப்பட்டது.

நெல்லிக்குப்பம் நகராட்சியில் பொதுமக்களின் அடிப்படை தேவைகளை கருத்தில் கொண்டு, ரூ.1.72 கோடி மதிப்பில் வணிக வளாகம் மற்றும் வாரச் சந்தை கட்டுமானப் பணிகளையும், ரூ.54 லட்சம் மதிப்பில் 220 மீ நீளத்தில் பக்கவாட்டு மழைநீா் வடிகாலுடன் கூடிய சாலை, சோழவள்ளி பகுதியில் ரூ.80 லட்சம் மதிப்பில் 195 மீ நீளம் மற்றும் 4.30 மீ அகலத்தில் அமைக்கப்பட்டுள்ள சாலை, வான்பாக்கம் முதல் விஸ்வநாதபுரம் வரை ரூ.74 லட்சம் மதிப்பில் 240 மீ நீளம் மற்றும் 4.5 மீ அகலத்தில் அமைக்கப்பட்டுள்ள சாலை மற்றும் வி.ஐ.பி நகரில் ரூ.1.24 கோடி மதிப்பில் 224 மீ நீளம் மற்றும் 4 மீ அகலத்தில் அமைக்கப்பட்டுள்ள சாலை ஆகிய பணிகளின் தரம், உறுதித்தன்மை குறித்து சோதனை செய்யப்பட்டது.

பொதுமக்கள், மாணவா்களின் புத்தக வாசிப்பு, கற்றல் திறனை மேம்படுத்திடவும், போட்டித் தோ்வா்களுக்கு பயன்படும் வகையிலும் பண்ருட்டி நகராட்சிக்குள்பட்ட லட்சுமிபதி நகரில் ரூ.2.19 கோடி மதிப்பீட்டில் அறிவுசாா் மையம் கட்டப்பட்டு வருவதை ஆய்வு செய்யப்பட்டது.

பள்ளிகளில் பயிலும் மாணவா்களுக்கு அனைத்து அடிப்படை வசதிகளையும் செய்துதர வேண்டும் என்ற நோக்கத்தில், வகுப்பறைகள், கழிப்பறைகள் உள்ளிட்ட அடிப்படை வசதிகள் மாவட்டத்தில் உள்ள அனைத்து பள்ளிகளிலும் ஏற்படுத்தப்பட்டு வருகிறது என்றாா்.

ஆய்வின்போது, நகா்மன்றத் தலைவா்கள் ஜெயந்தி ராதாகிருஷ்ணன் (நெல்லிக்குப்பம்), க.ராஜேந்திரன் (பண்ருட்டி), ஆணையா்கள் கிருஷ்ணராஜ் (நெல்லிக்குப்பம்), காஞ்சனா (பண்ருட்டி) மற்றும் துறை சாா்ந்த அலுவலா்கள் உடனிருந்தனா்.