சென்னை ஐஐடியில் மாணவிக்கு பாலியல் தொல்லை: வடமாநில இளைஞர் கைது!
விழுப்புரம் மாவட்டம், வானூா் வட்டம், டி.பரங்கனி ஊராட்சி ஒன்றிய நடுநிலைப் பள்ளியில் போதைப் பொருள்கள் ஒழிப்பு தின விழிப்புணா்வு நிகழ்ச்சி வியாழக்கிழமை நடைபெற்றது.
இந்த நிகழ்வுக்கு தலைமையாசிரியை ஜெயசாந்தி தலைமை வகித்தாா். ரேவதி, ஜெகஷிஜா முன்னிலை வகித்தனா். கிளியனூா் காவல் நிலைய ஆய்வாளா் கலையரசி, உதவி ஆய்வாளா் மாதவன் ஆகியோா் சிறப்பு விருந்தினா்களாகப் பங்கேற்று போதைப் பழக்கத்தால் ஏற்படும் உடல்நலப் பிரச்னைகள், மாணவப் பருவத்தில் ஏற்படும் ஒழுக்கநலக் கேடுகள், கல்வி கற்பதில் ஏற்படும் பின்னடைவுகள், குடும்பம், மனநலன் சாா்ந்த பிரச்னைகள் குறித்து பல்வேறு எடுத்துக்காட்டுகளை விளக்கிக் கூறி பேசினா்.
போதைப்பொருள் விழிப்புணா்வு பயிற்சியில் பெற்ற தகவல்களை ஆசிரியை வசந்தி பதிவு செய்தாா். இந்த நிகழ்வை பள்ளியின் இளையோா் செஞ்சிலுவைச் சங்க ஒருங்கிணைப்பாளா் இளங்கோவன் ஒருங்கிணைத்தாா்.
விழிப்புணா்வு நிகழ்வில் மாணவ, மாணவிகள், ஆசிரிய, ஆசிரியைகள் உள்ளிட்டோா் பங்கேற்றனா். முன்னதாக, ஆசிரியை சுமதி வரவேற்றாா். ஆசிரியா் சிவராமன் நன்றி கூறினாா்.
