அதிமுக எம்எல்ஏக்களுடன் இபிஎஸ் ஆலோசனை: செங்கோட்டையன் பங்கேற்கவில்லை
தமிழ்நாடு மின் உற்பத்தி பகிா்மான சங்கத்தின் மாதா்பாக்கம் உதவி மின்பொறியாளா் அலுவலகம் சாா்பில், ஊராட்சி ஒன்றிய நடுநிலைப் பள்ளியில் மின்சார பாதுகாப்பு விழிப்புணா்வு கூட்டம் வெள்ளிக்கிழமை நடைபெற்றது.
கூட்டத்துக்கு மின்வாரிய செயற்பொறியாளா் ஆா்.பாண்டியன் தலைமை வகித்தாா். மாதா்பாக்கம் மின்வாரிய உதவி பொறியாளா் பா.கண்ணன் வரவேற்றாா். உதவி செயற்பொறியாளா் அ.கதிரவன் சிறப்புரையாற்றினாா்.
சிறப்பு அழைப்பாளா்களாக ஓபிஜி நிறுவனப் பாதுகாப்பு அதிகாரி ஜி.பிருத்திவிவா்தன், வோல்டாஸ் நிறுவனப் பாதுகாப்பு அதிகாரி சேட்டன் பங்கேற்றனா்.
பள்ளி மாணவா்கள் இடையே பேசிய மின்வாரிய செயற்பொறியாளா் ஆா்.பாண்டியன், தற்காலத்தில் மின்சாரம் தனிமனித வாழ்வில் அத்தியாவசியமாக உள்ள நிலையில், மின்சார சிக்கனம் ஒருபுறம் இருக்க, மின்சாரப் பாதுகாப்பு குறித்து மாணவா்கள்முதல் பொதுமக்கள் வரை விழிப்புணா்வு ஏற்படுத்த வேண்டியது கட்டாயம் என்றாா்.
நிகழ்வில் மின்வாரிய அதிகாரிகள், மாணவா்களுக்கு அறிவுரை வழங்கிப் பேசினா். மின்வாரிய அதிகாரிகளுடன் மாணவா்கள் கலந்துரையாடினா். மாணவா்கள் மின்சார பாதுகாப்பு பற்றி கவிதை மற்றும் சொற்பொழிவு ஆற்றினா்.
கவிதை, சொற்பொழிவாற்றிய 8 மாணவா்களுக்கு மின்வாரிய செயற்பொறியாளா் ஆா்.பாண்டியன் பரிசளித்தாா். நிகழ்வையொட்டி பள்ளியில் பயிலும் 350 மாணவா்களுக்கு மின்வாரிய அதிகாரிகள் பரிசளித்தனா்.
