அரியலூரில் கட்டப்பட்டு வரும் பேருந்து நிலைய கட்டுமானப் பணிகளை போக்குவரத்துத் துறை அமைச்சா் சா.சி. சிவசங்கா் புதன்கிழமை பாா்வையிட்டு ஆய்வு செய்தாா்.
அரியலூா் நகரில் உள்ள பேருந்து நிலைய கட்டடங்கள் சேதமடைந்ததால் கடந்த 2023 ஆம் ஆண்டு கட்டடங்கள் உள்ளிட்ட அனைத்தையும் அகற்றிவிட்டு அவ்விடத்திலேயே பேருந்து நிலையத்துக்கான கட்டுமானப் பணிகள் தொடங்கப்பட்டது.
அரியலூா் நகராட்சி நிா்வாகம் மற்றும் குடிநீா் வழங்கல் துறையின் சாா்பில் முதற்கட்டமாக உள் கட்டமைப்பு மற்றும் வசதிகள் நிதியின் கீழ் ரூ. 7.80 கோடி மதிப்பில் 21 பேருந்து நிறுத்த தடங்கள், 30 கடைகள், உள்ளிட்ட பணிகளும், இரண்டாம் கட்டமாக மூலதன மான்ய நிதியின்கீழ் ரூ. 3.78 கோடி மதிப்பில் 6 பேருந்து நிறுத்த தடங்கள், 15 கடைகள் உள்ளிட்ட கட்டுமானப் பணிகள் மேற்கொள்ளப்பட்டு வருகிறது. இந்த கட்டுமானப் பணிகளை போக்குவரத்துத் துறை அமைச்சா் சா.சி. சிவசங்கா் பாா்வையிட்டு ஆய்வு செய்தாா்.
அப்போது, 90 சதவீதம் முதற்கட்ட பணிகள் முடிவுற்ற நிலையில், ஏனைய பணிகளை இம்மாத இறுதிக்குள் முடித்திட சம்பந்தப்பட்ட துறை அலுவலா்களுக்கு அறிவுறுத்தினாா்.
தொடா்ந்து, பேருந்து நிலையம் அருகேயுள்ள வண்ணான் குட்டையை பாா்வையிட்டு ஆய்வு செய்து, பொதுமக்கள் பயன்படுத்தும் வகையில் சீரமைப்பு பணிகளை மேற்கொள்ளவும் சம்பந்தப்பட்ட துறை அலுவலா்களுக்கு அறிவுறுத்தினாா்.
ஆய்வின்போது ஆட்சியா் பொ.ரத்தினசாமி, சட்டப்பேரவை உறுப்பினா் கு. சின்னப்பா, நகா் மன்றத் தலைவா் சாந்தி கலைவாணன், கோட்டாட்சியா் கோவிந்தராஜன், நகராட்சி ஆணையா் அசோக்குமாா், பொறியாளா் விஜய்காா்த்திக், வட்டாட்சியா் முத்துலட்சுமி உள்ளிட்டோா் உடனிருந்தனா்.
