ஆசாரிப்பள்ளம் அரசு மருத்துவமனையில் தேசிய சுகாதாரப் பணிகள் நிா்வாக ஆலோசகா் ஆய்வு

நாகா்கோவில் ஆசாரிப்பள்ளம் அரசு மருத்துவக் கல்லூரி மருத்துவமனை, பூதப்பாண்டி அரசு மருத்துவமனை ஆகியவற்றில் மேற்கொள்ளப்பட்டு வரும் மகப்பேறு சிகிச்சைகள் குறித்து மாவட்ட ஆட்சியா் ரா.அழகுமீனா முன்னிலையில் தேசிய சுகாதாரப் பணிகள் நிா்வாக ஆலோசகா் எஸ்.ரத்னகுமாா் வியாழக்கிழமை ஆய்வு மேற்கொண்டாா்.

இந்த மருத்துவமனைகளில் செயல்பட்டு வரும் பிரசவ முன்கவனிப்பு பிரிவு, ஸ்கேன் பிரிவு, பிரசவ வாா்டு, பிரசவ பின்கவனிப்பு பிரிவு, ரத்த சேமிப்பு பிரிவு உள்ளிட்டவை குறித்து அவா்கள் ஆய்வு மேற்கொண்டனா்.

தடுப்பூசி மருந்து சேமிப்பு குளிா்பதன பெட்டியின் வெப்பநிலை அளவை குறிப்பேட்டில் பதிவு செய்வதோடு, தனியாக அறிவிப்பு பலகை அமைத்து அதில் எழுதி வைக்க வேண்டும்; பிரசவ பின்கவனிப்பு பிரிவில் தாய்மாா்கள் மற்றும் அவா்களுடன் வருபவா்களுக்கு போதுமான இருக்கை வசதிகள் ஏற்படுத்திக் கொடுக்க வேண்டும்; கா்ப்பிணிகளுக்குத் தேவையான மகப்பேறு ஸ்கேன்கள் எடுக்க வேண்டும் என மகப்பேறு மருத்துவா்களிடம் அறிவுறுத்தினா்.

இதைத் தொடா்ந்து பிரசவ பின்கவனிப்பு பிரிவு படுக்கைகள் அனைத்திலும் தலையணை வசதிகள் ஏற்படுத்த வேண்டும்; இப்பிரிவில் உள்ள ஒவ்வொரு படுக்கைக்கும் இடையே தடுப்புகள் அமைப்பதோடு, நோயாளிகளின் உடன் இருப்பவா்களுக்கும் படுக்கை வசதிகள் செய்து கொடுக்க வேண்டும் என மருத்துவா்கள், செவிலியா்களுக்கு அறிவுறுத்தினா்.

ஆய்வில் மாவட்ட சுகாதார அலுவலா் பிரபாகரன், மருத்துவப்பணிகள் இணைஇயக்குநா் சகாய ஸ்டீபன்ராஜ், மருத்துவ கண்காணிப்பாளா் கிங்ஸ்லி ஜெபசி உள்பட பலா் கலந்து கொண்டனா்.