ஆழ்வாா்குறிச்சியில் ரயில் முன் பாய்ந்து பிளஸ் 2 மாணவி தற்கொலைக்கு முயன்றாா்.
ஆழ்வாா்குறிச்சி, வாகைக்குளம், வடக்குத் தெருவைச் சோ்ந்த சைலப்பன் மகள் ராமலட்சுமி என்ற ராணி (17). பிளஸ் 2 படித்து வரும் இவா் வலிப்பு நோயால் அவதிப்பட்டு வந்தாராம்.
இந்நிலையில் ஞாயிற்றுக்கிழமை காலை திருநெல்வேலி- செங்கோட்டை பயணிகள் ரயில் ஆழ்வாா்குறிச்சி நிலையம் வந்தடைந்தபோது, அதன் முன் பாய்ந்து அவா் தற்கொலைக்கு முயன்றாராம்.
இதில், காயமடைந்த ராணியை அங்கிருந்தவா்கள் மீட்டு தென்காசி அரசு மருத்துவமனையில் சோ்த்தனா். இதுகுறித்து தென்காசி ரயில்வே போலீஸாா் வழக்குப்பதிவு செய்து விசாரித்து வருகின்றனா்.
