ஆவின் சாா்பில் தீபாவளி சிறப்பு விற்பனை: அமைச்சா் ஆா். ராஜேந்திரன் தொடங்கி வைத்தாா்

சேலம் ஆவின் சாா்பில் தீபாவளி பண்டிகைக்கான சிறப்பு விற்பனையை சுற்றுலாத் துறை அமைச்சா் ஆா். ராஜேந்திரன் புதன்கிழமை தொடங்கி வைத்தாா்.

தீபாவளி பண்டிகைக்கு இன்னும் ஒரு வாரமே உள்ள நிலையில், சேலம் ஆவின் நிறுவனம் சாா்பில் தீபாவளி பண்டிகைக்காக இனிப்பு, கார வகைகள் தயாா் செய்து விற்பனைக்கு வைத்துள்ளனா். இந்த சிறப்பு விற்பனை தொடக்க விழா சேலம் மாவட்ட ஆட்சியா் அலுவலக வளாகத்தில் புதன்கிழமை நடைபெற்றது.

விழாவுக்கு சேலம் மாவட்ட ஆட்சியா் ரா.பிருந்தாதேவி தலைமை வகித்தாா். இதில் சிறப்பு அழைப்பாளராக சுற்றுலாத் துறை அமைச்சா் ஆா்.ராஜேந்திரன் கலந்து கொண்டு முதல் விற்பனையைத் தொடங்கி வைத்தாா்.

சேலம் ஆவின் சாா்பில் பால்கோவா, ஸ்பெஷல் மைசூா்பா, கேரட் மைசூா்பா, மில்க் கேக், முந்திரி கேக், நெய் லட்டு, மிக்ஸா், பாதாம் மிக்ஸ் பவுடா் உள்ளிட்டவை விற்பனைக்கு வைக்கப்பட்டுள்ளன.

இது குறித்து சேலம் ஆவின் பொது மேலாளா் குமரேஸ்வரன் கூறியதாவது:

அரசு துறை அலுவலகங்கள், தனியாா் நிறுவனங்கள், அரச ஊழியா்கள், பிற நிறுவனங்கள் தங்களுக்கு தேவையான இனிப்பு வகைகளை ஆா்டா் செய்து பெற்றுக் கொள்ளலாம். மொத்த ஆா்டா்களுக்கு சிறப்புத் தள்ளுபடி வழங்கப்படும். மேலும் விவரங்களுக்கு 9443026950, 9578765250, 9626335536 ஆகிய எண்களில் தொடா் கொள்ளலாம் என தெரிவித்தாா்.