சீா்காழி இரட்டைக் கொலை வழக்கில் 4 பேருக்கு ஆயுள் தண்டனை விதித்து மயிலாடுதுறை அமா்வு நீதிமன்றத்தில் செவ்வாய்க்கிழமை தீா்ப்பு அளிக்கப்பட்டது.
மயிலாடுதுறை மாவட்டம் சீா்காழி ஈசானியத் தெருவைச் சோ்ந்த ராபியா பீவி மகள் சமீராபானு(19) மாமியாா் கஜிதாபீவி(60) ஆகியோா் கடந்த 2011 ஆகஸ்ட் 21-ஆம் தேதி வீட்டில் இருந்தபோது மா்ம நபா்களால் படுகொலை செய்யப்பட்டனா். இதுகுறித்து சீா்காழி போலீஸாா் வழக்குப்பதிவு செய்து விசாரணை மேற்கொண்டனா்.
இவ்வழக்கு 2015-இல் நாகை மாவட்ட சிபிசிஐடி விசாரணைக்கு மாற்றப்பட்டது. சிபிசிஐடி போலீஸாா் விசாரணை மேற்கொண்டு, இக்கொலை வழக்கில் 2018-இல் கடலூா் மாவட்டம் பாதிரிகுப்பம் தினேஷ்குமாா் (32) புதுப்பாளையம் சுரேஷ்குமாா் (27), காராமணிகுப்பம் கமல் (30), செல்லாங்குப்பம் ஆனந்த் (27) ஆகியோரைக் கைது செய்தனா்.
மயிலாடுதுறை மாவட்ட அமா்வு நீதிமன்றத்தில் நடைபெற்று வந்த வழக்கு செவ்வாய்க்கிழமை விசாரணைக்கு வந்தது. இதில், மேற்கூறிய நபா்களால் சமீரா பானு, கஜிதாபீவி ஆகிய இருவரும் ஆதாயக் கொலை செய்யப்பட்டது உறுதி செய்யப்பட்டதைத் தொடா்ந்து, தினேஷ்குமாா், சுரேஷ்குமாா், கமல், ஆனந்த் ஆகியோருக்கு ஆயுள் தண்டனையும், தலா ரூ.6,000 அபராதம் விதித்தும், அபராதத்தை செலுத்தத் தவறினால் மேலும் ஓராண்டு சிறை தண்டனை விதித்தும் மாவட்ட அமா்வு நீதிபதி விஜயகுமாரி உத்தரவிட்டாா். இவ்வழக்கில் அரசு தரப்பில் வழக்குரைஞா் ராம.சேயோன் ஆஜரானாா்.
