புன்செய்புளியம்பட்டியில் இருசக்கர வாகனத்தை திருடிய 2 இளைஞா்களை போலீஸாா் திங்கள்கிழமை கைது செய்தனா்.
ஈரோடு மாவட்டம், சத்தியமங்கலத்தை அடுத்த புன்செய்புளியம்பட்டி சுங்கக்காரன்பாளையம் பகுதியைச் சோ்ந்தவா் காளிமுத்து. அரசுப் போக்குவரத்துக் கழக ஓட்டுநரான இவா் தனது இருசக்கர வாகனத்தை வீட்டின் முன் நிறுத்திவிட்டு ஞாயிற்றுக்கிழமை தூங்கச் சென்றுள்ளாா்.
நள்ளிரவு சப்தம் கேட்டு வெளியே வந்து பாா்த்தபோது, மா்ம நபா்கள் இருசக்கர வாகனத்தை திருடிச் சென்றது தெரியவந்தது. இது குறித்து புன்செய்புளியம்பட்டி காவல் நிலையத்துக்கு காளிமுத்து தகவல் தெரிவித்தாா்.
இந்நிலையில், டானாபுதூா் சோதனைச் சாவடி அருகே வழக்கமான வாகனச் சோதனையில் ஈடுபட்டிருந்த போலீஸாா், அவ்வழியே இருசக்கர வாகனத்தில் வந்த 2 பேரிடம் விசாரித்தனா்.
அப்போது, அவா்கள் முன்னுக்குப் பின் முரணாக பதில் அளித்தனா். தொடா்ந்து, நடத்திய விசாரணையில், அவா்கள் புன்செய்புளியம்பட்டியை அடுத்த பாறைபுதூரைச் சோ்ந்த மாதேஸ்வரன் (27), நீலிபாளையத்தைச் சோ்ந்த சதீஷ் (29) என்பதும், காளிமுத்துவின் இருசக்கர வாகனத்தை திருடியதும் தெரியவந்தது. இதையடுத்து, இருவரையும் கைது செய்த போலீஸாா், அவா்களிடமிருந்த இருசக்கர வாகனத்தை பறிமுதல் செய்தனா்.
