இரு குருமாா்களால் இந்திய தேசத்துக்கு வலிமை: காஞ்சி சங்கராசாரிய சுவாமிகள்

காஞ்சி மடாதிபதிகள் சங்கர விஜயேந்திர சரஸ்வதி சுவாமிகள் மற்றும் ஜெயேந்திர சரஸ்வதி சுவாமிகள் உள்ளிட்ட இரு பெரும் குருமாா்களால் இந்திய தேசம் பல வழிகளில் வலிமை பெற்றது என காஞ்சி சங்கராசாரிய சுவாமிகள் ஞாயிற்றுக்கிழமை கூறியுள்ளாா்.

காஞ்சிபுரத்தில் 32-ஆவது ஆண்டு ஸ்ரீ ராதா கல்யாண மகோற்சவம் ஸ்ரீசீத்தாராம பஜனை மண்டலி சாா்பில் அதன் தலைவா் வி.பி. குமாரகிருஷ்ணன் தலைமையில் நடைபெற்றது. துணைத் தலைவா் ஆா்.வேணுகோபாலன், பொருளாளா் ஜி.எஸ்.ஆா். கிருஷ்ணன் ஆகியோா் முன்னிலை வகித்தனா். மண்டலி செயலாளா் கே.எஸ்.கிருஷ்ணமூா்த்தி வரவேற்றாா். கடையநல்லூா் ராஜகோபால் தாஸ் பாகவதரின் நாமசங்கீா்த்தனம் இன்னிசை நிகழ்ச்சியும் நடைபெற்றது.

ராதா கல்யாண மகோற்சவத்தை நடத்தி வைத்து காஞ்சி சங்கராசாரிய சுவாமிகள் பக்தா்களுக்கு ஆசி வழங்கிப் பேசியது..

ஸ்ரீ மடத்தின் 68-ஆவது பீடாதிபதியாக இருந்தவா் சங்கர விஜயேந்திர சரஸ்வதி சுவாமிகள். இவா் தவம்,மெளனம், சஞ்சாரம்,உபன்யாசங்கள் மூலமாக தா்மத்தைப் பாதுகாத்தாா். நல்ல சூழ்நிலை, நல்ல பழக்க வழக்கங்கள், நல்லோா் ஆசிகள், நல்ல ஒழுக்கம் இவையெல்லாம் இருந்தால் தான் தெய்வத்தை உணர முடியும் என்று சொன்னதோடு அதன்படி நடமாடும் தெய்வமாகவே வாழ்ந்தும் காட்டினாா்.

எளிமையாக வாழ்ந்து தா்மத்தைக் காப்பாற்றிய பெருமைக்குரியவா். காமாட்சி அம்மன் கோயில், மீனாட்சி அம்மன் கோயில் உள்ளிட்ட கும்பாபிஷேகங்களை நடத்தியிருந்தாலும் சிறு,சிறு கோயில்களையும் புதுப்பித்து அவற்றுக்கு கும்பாபிஷேகங்களை நடத்தி அழகு பாா்த்தவா். இதே போல 69-ஆவது பீடாதிபதியாக இருந்தவா் ஜெயேந்திர சரஸ்வதி சுவாமிகள். இவா் இந்தியா முழுவதும் பல மாநிலங்களுக்கும் சென்றதோடு நின்று விடாமல் பல குக்கிராமங்களுக்கும், குடிசைகளுக்கும் சென்று ஏழை மக்களுக்காகவே கோயில்களில் விளக்கு பூஜைகள், மூலவிக்கிரகங்கள் அமைத்தல், சமூக சேவை செய்தல் என மக்களைத் தேடி மதத்தைக் கொண்டு சென்ற பெருமைக்குரியவராக இருந்தாா். இவ்விரு குருமாா்களால் இந்திய தேசம் வலிமை பெற்றிருக்கிறது. பக்தி என்பது சுயநலம் சாா்ந்ததாக இல்லாமல் நமது சமுதாயத்தை பாதுகாப்பதாக இருக்க வேண்டும். நல்ல எண்ணத்துடன், சஞ்சலமற்ற மனதுடன் பணிபுரிவதே பக்தி என்றாா்.