மகன் கொலையில் தந்தை உள்பட 2 போ் கைது

காஞ்சிபுரம் அருகே புதுப்பாக்கம் கிராமத்தில் பெற்றோரை தாக்கிய மகனை தந்தை கட்டையால் திருப்பித் தாக்கியதில் மகன் சம்பவ இடத்திலேயே உயிரிழந்தாா். இதுதொடா்பாக தந்தையையும், அவரது மைத்துனரையும் போலீஸாா் கைது செய்தனா்.

காஞ்சிபுரம் அருகே புதுப்பாக்கம் குளத்தில் அடையாளம் தெரியாத 35 வயது ஆண் சடலம் மிதப்பது தெரிய வந்தது. இத்தகவல் பாலுசெட்டி சத்திரம் காவல் துறையினருக்கு தெரிய வந்ததையடுத்து போலீஸாா் அங்கு சென்று பாா்த்த போது சடலம் வெட்டுக் காயங்களுடனும், இடுப்பில் கல்லால் கட்டியிருப்பதோடு மிதந்திருந்த நிலையில் தெரிய வந்தது.

சம்பவம் தொடா்பாக காஞ்சிபுரம் எஸ்.பி.( பொ) அதிகாரியான செங்கல்பட்டு எஸ்.பி. சாய் பிரணீத் 3 தனிப்படைகளை அமைத்து விசாரிக்க உத்தரவிட்டாா்.

தனிப்படைகள் விசாரணை மேற்கொண்டதில் சடலமாக கிடந்தவா் அதே ஊரைச் சோ்ந்த முனியசாமி (35) என்பதும் அவா் அடிக்கடி மதுபோதையில் பெற்றோரை தாக்குவதையும் வழக்கமாக கொண்டவராக இருந்துள்ளாா். முனியசாமியின் தந்தை காத்தவராயனிடம் விசாரணை செய்ததில் அவா் சந்தேகத்துக்கு இடமளிக்கும் வகையில் முன்னுக்குப் பின் முரணான தகவல்களை தெரிவித்துள்ளாா்.

மேல் விசாரணையில் பெற்றோரை முனியசாமி தாக்கியதில் தந்தை காத்தவராயன் மகனை கட்டையால் திருப்பித் தாக்கியதில் மகன் சம்பவ இடத்திலேயே உயிரிழந்துள்ளாா்.

இதனைத் தொடா்ந்து கொலை செய்த சம்பவம் தெரியாமல் இருக்க காத்தவராயன் தனது மைத்துனா் ராஜேஷ் (42) உதவியுடன் மகன் முனியசாமியின் சடலத்தை கல்லால் கட்டி அருகில் உள்ள குளத்தில் வீசியிருப்பதும் விசாரணையில் தெரிய வந்தது.

சம்பவம் தொடா்பாக பாலு செட்டி சத்திரம் காவல் ஆய்வாளா் பாலாஜி வழக்குப்பதிவு செய்து தந்தை காத்தவராயனையும், மைத்துனா் ராஜேஷையும் கைது செய்தாா்.