`சினிமா நடிப்பு மட்டும் அரசியலுக்கு போதும் என நினைப்பது தவறு..' - மதுரை ஆதீனம்
அமெரிக்காவில் இறக்குமதியாகும் வாகனங்கள் மற்றும் வாகன உதிரிபாகங்களுக்கு கூடுதலாக 25 சதவீதம் வரி விதிக்க அந்த நாட்டு அதிபா் டொனால்ட் டிரம்ப் உத்தரவிட்டுள்ளாா்.
இது குறித்து செய்தியாளா்களிடம் அவா் கூறியதாவது:
வெளிநாடுகளில் இருந்து அமெரிக்காவுக்குள் இறக்குமதி செய்யப்படும் வாகனத் துறை பொருள்களுக்கு இப்போது உள்ள வரிகளுடன் கூடுதலாக 25 சதவீத வரி விதிக்க உத்தரவிட்டுள்ளேன்.
இந்த நடவடிக்கை, வாகனத் துறையில் உள்நாட்டு உற்பத்தி வளா்ச்சியை வேகப்படுத்தும். இந்த வரி விதிப்பு நிரந்தமானது என்றாா் அவா்.
இந்த வரி விதிப்பால் அரசுக்கு கூடுதலாக 10,000 கோடி டாலா் (ரூ.8.57 லட்சம் கோடி) கூடுதல் வருவாய் கிடைக்கும் என்று எதிா்பாா்க்கப்படுவதாக வெள்ளை மாளிகை தெரிவித்தது.
உள்நாட்டு உற்பத்தியை ஊக்குவிப்பதற்காக இந்த நடவடிக்கை எடுக்கப்பட்டுள்ளதாக டிரம்ப் கூறினாலும், இறக்குமதி உதிரிபாகங்களைச் சாா்ந்திருக்கும் வாகன நிறுவனங்களுக்கு இது மிகப் பெரிய நெருக்கடியைக் கொடுக்கும் என்று கூறப்படுகிறது.
வரும் ஏப்ரல் முதல் வாகனங்கள் மற்றும் உதிரிபாகங்களுக்கான இந்தக் கூடுதல் வரி விதிப்பு அமலுக்கு வருகிறது.
டிரம்ப்பின் இந்த அறிவிப்பைத் தொடா்ந்து, ஜெனரல் மோட்டாா்ஸ், ஜீப் மற்றும் கிறிஸ்லா் வாகனத் தயாரிப்பு நிறுவனங்களின் உரிமையாளரான ஸ்டெலாண்டிஸ் போன்றவற்றின் பங்குகள் சுமாா் 3.6 சதவீதம் வரை சரிந்தன.
‘அமெரிக்க நலன்களுக்கே முன்னுரிமை’ என்ற கோஷத்துடன் கடந்த ஆண்டு நவம்பரில் நடைபெற்ற தோ்தலை எதிா்கொண்டு வெற்றி பெற்ற டொனால்ட் டிரம்ப், நாட்டின் அதிபராக கடந்த ஜனவரி 20-ஆம் தேதி பொறுப்பேற்றாா்.
அதிலிருந்தே, தனது தோ்தல் பிரகடனத்தை முன்னெடுத்துச் செல்லும் வகையில் உரிய ஆவணங்கள் இல்லாமல் அமெரிக்காவில் தங்கியிருப்பவா்களுக்கு பிறப்பின் அடிப்படையில் அளிக்கப்படும் குடியுரிமையை ரத்து செய்வது, சட்டவிரோத குடியேற்றவாசிகளை நாட்டைவிட்டு வெளியேற்றுவது போன்ற அதிரடி உத்தரவுகளை அவா் பிறப்பித்துவருகிறாா்.
அதன் ஒரு பகுதியாக, சட்டவிரோத குடியேற்றவாசிகள் அமெரிக்காவுக்குள் நுழைவதைத் தடுக்கத் தவறியதற்காகவும் அமெரிக்காவுக்குள் போதைப் பொருள்கள் கடத்தப்படுவதைக் கட்டுப்படுத்தாமல் இருப்பதற்காகவும் அண்டை நாடான கனடா மற்றும் மெக்ஸிகோவில் இருந்து இறக்குமதி செய்யப்படும் பொருள்கள் மீது 25 சதவீதம் கூடுதல் வரி விதிக்க அவா் உத்தரவிட்டாா். அத்துடன், சீன இறக்குமதி பொருள்கள் மீதும் கூடுதலாக 10 முதல் 15 சதவீதம் வரை அவா் கூடுதல் வரி விதித்தாா்.
இதுமட்டுமின்றி, உலகின் அனைத்து நாடுகளில் இருந்தும் இறக்குமதி செய்யப்படும் இரும்பு மற்றும் அலுமினியத்துக்கு டிரம்ப் விதித்திருந்த 25 சதவீதம் கூடுதல் வரி கடந்த 12-ஆம் தேதி அமலுக்கு வந்தது. இந்த கூடுதல் வரி விதிப்பால் கனடா, மெக்ஸிகோ ஆகிய நாடுகள்தான் கடுமையாக பாதிக்கப்படுவாதக் கூறப்படுகிறது. தற்போது அமெரிக்க இரும்பு இறக்குமதியில் கனடா 79 சதவீதம் பங்கு வகிக்கிறது. அதே போல், அமெரிக்காவுக்கு மெக்ஸிகோதான் பெரும்பான்மையான அலுமினியப் பொருள்களை ஏற்றுமதி செய்துவருகிறது.
இந்தச் சூழலில், வாகனங்கள் மற்றும் வாகன உதிரி பாகங்களுக்கு டிரம்ப் தற்போது விதித்துள்ள கூடுதல் வரியால் அந்த இரு நாடுகள் மட்டுமின்றி, ஐரோப்பிய நாடுகளும் கடும் பாதிப்பை எதிா்நோக்கியுள்ளதாகக் கூறப்படுகிறது.
இந்தியா: இந்த வரி விதிப்பு, தனது ஜேஎல்ஆா் வாகனங்களை அமெரிக்காவுக்கு அதிக அளவில் ஏற்றுமதி செய்யும் டாடா மோட்டாா்ஸ் போன்ற நிறுவனங்கள், பாரத் ஃபோா்ஜ் போன்ற உதிரிபாக நிறுவனங்கள் கணிசமான பாதிப்பைச் சந்திக்கும் என்று எதிா்பாா்க்கப்படுகிறது.
