செய்திகள் :

தென்னாப்பிரிக்க அணியின் பயிற்சியாளர் திடீர் விலகல்; காரணம் என்ன?

post image

தென்னாப்பிரிக்க அணியின் பயிற்சியாளர் பொறுப்பிலிருந்து ராப் வால்டர் விலகியுள்ளார்.

தென்னாப்பிரிக்க அணியின் வெள்ளைப் பந்து போட்டிகளுக்கான தலைமைப் பயிற்சியாளராக ராப் வால்டர் செயல்பட்டு வந்தார். கடந்த 2023 ஆம் ஆண்டு மார்ச் முதல் தென்னாப்பிரிக்க அணியின் பயிற்சியாளாராக செயல்பட்டு வந்த அவர், தனிப்பட்ட காரணங்களுக்காக அந்த பொறுப்பிலிருந்து விலகியுள்ளது முக்கியத்துவம் பெறுகிறது.

இதையும் படிக்க: எந்த அணிக்கும் இந்த நிலை வரலாம்; கேகேஆர் தோல்வி குறித்து ரமன்தீப் சிங்!

தலைமைப் பயிற்சியாளர் பொறுப்பிலிருந்து விலகுவதாக தென்னாப்பிரிக்க கிரிக்கெட் வாரியத்திடம் ராப் வால்டர் தெரிவித்த நிலையில், அதனை தென்னாப்பிரிக்க கிரிக்கெட் வாரியமும் ஏற்றுக்கொண்டுள்ளது.

பயிற்சியாளர் பொறுப்பிலிருந்து விலகுவது குறித்து தென்னாப்பிரிக்க கிரிக்கெட் வாரியத்தின் அறிக்கையின் வாயிலாக ராப் வால்டர் தெரிவித்ததாவது: தென்னாப்பிரிக்க கிரிக்கெட் அணியின் பயிற்சியாளராக செயல்பட்டதை மிகப் பெரிய கௌரவமாக கருதுகிறேன். தென்னாப்பிரிக்க அணியுடன் இணைந்து செய்துள்ள சாதனைகளை நினைத்து நான் மிகவும் பெருமைப்படுகிறேன்.

எனது இந்த பயணத்தில் தென்னாப்பிரிக்க அணியின் வீரர்கள், பணியாளர்கள் மற்றும் கிரிக்கெட் வாரியம் என அனைவரும் மிகுந்த ஒத்துழைப்பு அளித்தார்கள். நான் பயிற்சியாளர் பொறுப்பிலிருந்து விலகுவதற்கான நேரம் வந்துவிட்டது. தென்னாப்பிரிக்க அணி தொடர்ந்து பல்வேறு சாதனைகளை படைக்கும் என்பதில் எந்தவொரு சந்தேகமும் இல்லை. அணியின் அடுத்த பயிற்சியாளரை தென்னாப்பிரிக்க கிரிக்கெட் வாரியம் அறிவிக்கும் எனத் தெரிவித்தார்.

தென்னாப்பிரிக்க அணியுடன் ராப் வால்டர்...

ராப் வால்டரின் பதவிக்காலத்தில் தென்னாப்பிரிக்க அணி பல்வேறு உயரங்களை அடைந்துள்ளது. கடந்த 2023 ஆம் ஆண்டு நடைபெற்ற 50 ஓவர் உலகக் கோப்பைத் தொடரின் அரையிறுதிப் போட்டி வரை தென்னாப்பிரிக்கா முன்னேறியது. கடந்த ஆண்டு நடைபெற்ற டி20 உலகக் கோப்பைத் தொடரின் இறுதிப்போட்டி வரை முன்னேறியது. இறுதிப்போட்டியில் இந்திய அணியிடம் தோல்வியடைந்தது.

இதையும் படிக்க: ஐபிஎல் அறிமுகப் போட்டியில் அசத்திய டாப் 5 பந்துவீச்சாளர்கள்!

ஐசிசி சாம்பியன்ஸ் டிராபி கிரிக்கெட் தொடரே ராப் வால்டர் தென்னாப்பிரிக்க அணியின் பயிற்சியாளராக செயல்பட்ட கடைசி கிரிக்கெட் தொடர். சாம்பியன்ஸ் டிராபி தொடரில் தென்னாப்பிரிக்க அணி அரையிறுதிப் போட்டி வரை முன்னேறியது குறிப்பிடத்தக்கது.

ஆசிய கிரிக்கெட் கவுன்சில் தலைவராக பாகிஸ்தான் உள்துறை அமைச்சர் நியமனம்!

ஆசிய கிரிக்கெட் கவுன்சிலின் தலைவராக பாகிஸ்தான் உள்துறை அமைச்சரும், பாகிஸ்தான் கிரிக்கெட் வாரியத் தலைவர் மோஷின் நக்வி நியமிக்கப்பட்டுள்ளார். இதற்கு முன்னதாக, தலைவராக இலங்கையின் ஷம்மி சில்வாக்குப் பின்ன... மேலும் பார்க்க

மும்பை அணியிலிருந்து சூர்யகுமார் யாதவ் விலகுகிறாரா?

இந்திய அணியின் நட்சத்திர வீரரான சூர்யகுமார் யாதவ் ரஞ்சி கோப்பையில் மும்பை அணியிலிருந்து விலகி கோவா அணிக்காக விளையாடவுள்ளதாக தகவல் வெளியான நிலையில், அதனை மும்பை கிரிக்கெட் சங்கம் மறுத்துள்ளது.ரஞ்சி கோப... மேலும் பார்க்க

உலகக் கோப்பை வென்று 50 ஆண்டுகள் நிறைவு! விழாவாகக் கொண்டாடும் மே.இ.தீவுகள்!

முன்னாள் உலகச் சாம்பியனான மேற்கிந்திய தீவுகளின் உலகக் கோப்பையை வென்று 50 ஆண்டுகள் நிறைவடையவுள்ளதை ஒட்டி அதை விழாவாகக் கொண்டாட அந்த அணி நிர்வாக முடிவெடுத்துள்ளது.1975 ஆம் ஆண்டு ஜூன் 21 ஆம் தேதி லண்டனின... மேலும் பார்க்க

மும்பை அணியிலிருந்து விலகும் ஜெய்ஸ்வால்! கோவா அணி கேப்டனாகிறாரா?

இந்திய அணியின் நட்சத்திர தொடக்க ஆட்டக்காரர் யஷஸ்வி ஜெய்ஸ்வால் மும்பை அணியிலிருந்து விலகவிருப்பதாகத் தகவல்கள் வெளியாகியிருக்கின்றன.இளம் வீரரான யஷஸ்வி ஜெய்ஸ்வால் உள்ளூர்ப் போட்டிகளில் மும்பை அணிக்காகவும... மேலும் பார்க்க

மிட்செல் ஹே அதிரடி 99*: ஒருநாள் தொடரை வென்றது நியூசிலாந்து!

நியூசிலாந்தில் சுற்றுப்பயணம் மேற்கொண்டுள்ள பாகிஸ்தான் அணி 3 போட்டிகள் கொண்ட ஒருநாள் தொடரில் விளையாடி வருகிறது. முதல் போட்டியில் பாகிஸ்தான் தோல்வியடைந்த நிலையில், டாஸ் வென்ற பாகிஸ்தான் கேப்டன் முகமது ர... மேலும் பார்க்க

ஆஷஸ் தொடரில் மிட்செல் மார்ஷ் விளையாடுவாரா? ஜியார்ஜ் பெய்லி பதில்!

இங்கிலாந்துக்கு எதிரான ஆஷஸ் தொடரில் ஆஸ்திரேலிய அணியின் ஆல்ரவுண்டர் மிட்செல் மார்ஷ் விளையாடுவாரா என்பது குறித்து அந்த அணியின் தேர்வுக்குழுத் தலைவர் ஜியார்ஜ் பெய்லி பேசியுள்ளார்.ஆஸ்திரேலிய அணியின் ஆல்ரவ... மேலும் பார்க்க