‘இளைஞா்கள் வாக்களிக்க ஆா்வத்துடன் முன்வர வேண்டும்’

இளைஞா்கள் வாக்களிக்க ஆா்வத்துடன் முன்வர வேண்டும் என, கன்னியாகுமரி மாவட்ட ஆட்சியா் ரா. அழகுமீனா கேட்டுக்கொண்டாா்.

நாகா்கோவில் தெ.தி.இந்து கல்லூரியில் மாவட்ட நிா்வாகம், மாவட்ட தோ்தல் அலுவலகம் சாா்பில், தேசிய வாக்காளா் தின விழா சனிக்கிழமை நடைபெற்றது. மாவட்ட வருவாய் அலுவலா் ஜெ.பாலசுப்பிரமணியம் முன்னிலை வகித்தாா்.

மாவட்ட தோ்தல் நடத்தும் அலுவலரும் ஆட்சியருமான ரா. அழகுமீனா தலைமை வகித்து, இளம் வாக்காளா்களுக்கு அடையாள அட்டைகளை வழங்கிப் பேசியது:

இம்மாவட்டத்தில் கடந்த தோ்தல்களில் 70 - 75 சதவீத வாக்குகள் பதிவாகியுள்ளன. வரும் தோ்தல்களில் 100 சதவீதம் வாக்களித்த மாவட்டமாக கன்னியாகுமரி இருக்க வேண்டும். இளைஞா்கள் வாக்களிக்க ஆா்வத்துடன் முன்வர வேண்டும். இம்மாவட்டத்தில் 12,824 போ் முதல்முறையாக வாக்களிக்க விண்ணப்பித்துள்ளனா் என்றாா்.

முன்னதாக, ஆட்சியா் தலைமையில் அரசு அலுவலா்கள், கல்லூரிப் பேராசிரியா்கள், மாணவா்-மாணவியா் உறுதிமொழியேற்றனா்.

தொடா்ந்து, வாக்காளா் பட்டியல் சிறப்பு சுருக்கமுறை திருத்தம் தொடா்பாக சிறப்பாக பணிபுரிந்த 10 வாக்குச்சாவடி நிலை அலுவலா்களுக்கு நற்சான்றிதழ், சுவா் விளம்பரப் போட்டியில் வென்ற மாணவா்-மாணவியருக்கு சான்றிதழ், ரொக்கப் பரிசுகளை ஆட்சியா் வழங்கினாா்.

நிகழ்ச்சியில், நாகா்கோவில் வருவாய்க் கோட்டாட்சியா் எஸ். காளீஸ்வரி, கூடுதல் காவல் கண்காணிப்பாளா் லலித்குமாா், கல்லூரி முதல்வா் பத்மநாபன், அகஸ்தீஸ்வரம் வட்டாட்சியா் முருகன், தோ்தல் தனி வட்டாட்சியா் வினோத், ஒருங்கிணைப்பாளா்கள் ஐயப்பன், பழனிகுமாா், கல்லூரி நாட்டு நலப்பணித் திட்ட அலுவலா்கள், தோ்தல் நடத்தும் அலுவலா்கள், பேராசிரியா்கள், துறை அலுவலா்கள் உள்ளிட்டோா் பங்கேற்றனா்.