கள்ளக்குறிச்சியில் ரூ. 7.70 கோடியில் கட்டப்பட்ட 19 மருத்துவ கட்டடங்கள்
நாமக்கல்: ராசிபுரம் வட்டத்தில், ‘உங்களைத் தேடி உங்கள் ஊரில்’ திட்ட முகாம் நடைபெறுவதையொட்டி, செவ்வாய்க்கிழமை முன் மனுக்கள் பெறும் முகாம் நடைபெறுகிறது.
இது குறித்து மாவட்ட ஆட்சியா் ச.உமா வெளியிட்ட செய்திக் குறிப்பு:
தமிழக அரசின் பல்வேறு நலத்திட்டங்கள், சேவைகள் விரைவில் மக்களுக்கு கிடைக்க வேண்டும் என்பதற்காக அரசால் தொடங்கப்பட்டுள்ள பல்வேறு திட்டங்களில் முக்கியமான ஒன்று ‘உங்களை தேடி உங்கள் ஊரில்’ திட்டமாகும். ஒட்டுமொத்த மாவட்ட நிா்வாகமும், ஒரு நாள் வட்ட அளவில் தங்கி கள ஆய்வில் ஈடுபட்டு அரசு அலுவலகங்களை ஆய்வு செய்து, மக்களின் குறைகளைக் கேட்டறிந்து, அரசின் அனைத்து நலத்திட்டங்களும், சேவைகளும் தடையின்றி மக்களை சென்றடைவதை உறுதி செய்வா்.
அதன்படி, ராசிபுரம் வட்டத்தில் வரும் 18-ஆம் தேதி ‘உங்களைத் தேடி உங்கள் ஊரில்’ திட்ட முகாம் நடைபெறுகிறது. இதனையொட்டி, முன் மனுக்கள் பெறும் முகாம் செவ்வாய்க்கிழமை ( டிச. 10) நடைபெற உள்ளது.
இந்த முகாமில் பொதுமக்கள் தங்களது கோரிக்கைகள் குறித்து மனுக்களாக அளிக்கலாம். ராசிபுரம் வட்டார வளா்ச்சிஅலுவலகம், வெண்ணந்தூா் வட்டார வளா்ச்சி அலுவலகம், நாமகிரிப்பேட்டை வட்டார வளா்ச்சி அலுவலகம், மங்களபுரம் வருவாய் ஆய்வாளா் அலுவலகம், முள்ளுக்குறிச்சி வருவாய் ஆய்வாளா் அலுவலகம் ஆகிய இடங்களில் முன்மனுக்கள் பெறும் முகாம் நடைபெறுகிறது என அதில் தெரிவிக்கப்பட்டுள்ளது.
