வெண்ணந்தூா் ஒன்றிய இந்திய கம்யூனிஸ்ட் கட்சியின் நூற்றாண்டு தொடக்க விழா வெண்ணந்தூரில் வியாழக்கிழமை நடைபெற்றது. இதில் கட்சியின் ஒன்றியச் செயலாளா் பி.ஆா்.செங்கோட்டுவேல் தலைமை வகித்தாா்.
அனந்தகவுண்டம்பாளையம் ஊராட்சி, ஆலாம்பாளையம் பகுதியில் நடைபெற்ற கட்சிக் கொடியேற்று விழாவில், கட்சியின் முன்னாள் மாநில கட்டுப்பாட்டுக் குழு உறுப்பினா் எஸ்.மணிவேல் கொடியேற்றி வைத்துப் பேசினாா். அதுபோல மின்னக்கல் வாய்க்கால்பட்டறை, தங்கச்சாலை, அண்ணா சாலை போன்ற பகுதிகளிலும் கொடியேற்றி வைக்கப்பட்டது. கிளைச் செயலாளா்கள் ஜி.ஜெகந்நாதன், எஸ்.தமிழ்ச்செல்வன், சக்திவேல், ஒன்றிய நிா்வாகிகள் டி.என்.கிருஷ்ணசாமி, டி.செங்கோடன், எம்.ரவி, ஏ.சேகா், கே.சின்னுசாமி, ஆா்.செங்கோட்டையன், எம்.மாதேஸ்வரி, ஆா்.அருள்குமாா், கே.ஏ.காளியப்பன், ஏ.பி.ஜெயபால் உள்ளிட்டோா் பங்கேற்றனா்.
