உதயநிதி பிறந்த நாள் விழாவில் இலவசப் பொருள்களை பெற முண்டியடித்த பொது மக்கள்

பென்னாகரத்தில் நடைபெற்ற துணை முதல்வா் உதயநிதி ஸ்டாலின் பிறந்தநாள் விழாவில் இலவச சேலை, போா்வை, உணவு பொருள்களை பெறுவதற்காக பொதுமக்கள் மேடையை நோக்கி முண்டியடித்து சென்ால் கூட்டத்தைக் கட்டுப்படுத்த முடியாமல் விழாவினை திமுக நிா்வாகிகள் பாதியில் நிறுத்திவிட்டு வெளியேறினா்.

பென்னாகரம் பேருந்து நிலையம் பகுதியில் தருமபுரி கிழக்கு மாவட்ட திமுக சாா்பில் துணை முதல்வா் உதயநிதி ஸ்டாலின் பிறந்தநாள் விழாவை கொண்டாடும் வகையில் ஏழை எளியோருக்கு இலவசமாக சேலை, பெட்ஷீட், உணவு வழங்கும் நிகழ்வு ஏற்பாடு செய்யப்பட்டிருந்தது. இந்த விழாவில் கிழக்கு மாவட்டச் செயலாளா் தடங்கம் பெ.சுப்பிரமணி, மாநில வா்த்தகா் அணி துணைச் செயலாளா் தா்மச்செல்வன் ஆகியோா் பொதுமக்களுக்கு இலவசமாக சேலை, பெட்ஷீட் உணவு வழங்கும் நிகழ்வை தொடங்கி வைத்தனா்.

பேருந்து நிலையம் பகுதியில் விழா நடத்துவதற்காக ஏற்பாடு செய்யப்பட்டிருந்த நிலையில் பொதுமக்கள் ஏராளமானோா் அங்கு குவிந்தனா். சுமாா் 300-க்கும் மேற்பட்டோருக்கு மட்டுமே நலத்திட்டங்கள் வழங்க ஏற்பாடு செய்யப்பட்ட நிலையில், கிளை நிா்வாகிகளால் அழைத்து வரப்பட்டவா்களுக்கு பொருள்கள் கிடைக்காத நிலை ஏற்பட்டது.

இதனையறிந்த பொதுமக்கள் பொருள்களைப் பெறுவதற்காக நேரடியாக மேடையை நோக்கி முண்டியடித்துச் சென்ால் அங்கு தள்ளுமுள்ளு ஏற்பட்டது. இதனைக் கண்ட நிா்வாகிகள் கூட்ட நெரிசலைத் தவிக்கும் பொருட்டு அழைத்து வரப்பட்ட நபா்களுக்கு மட்டுமே பொருள்கள் வழங்கப்படும் என தெரிவித்ததால் சில பெண்கள் மேடையிலேயே அமா்ந்தனா். தொடா்ந்து கூட்ட நெரிசல் ஏற்பட்டதால் நலத்திட்ட உதவிகளை வழங்காமல் அவசர அவசரமாக விழா ஏற்பாடு செய்திருந்த முக்கிய நிா்வாகிகள் மேடையை விட்டு வெளியேறினா்.

தொடா்ந்து இலவசமாக வழங்கப்படும் பொருட்கள் பெறுவதற்காக மழையையும் பொருட்படுத்தாமல் பொதுமக்கள் அமா்ந்திருந்தனா்.