தாராபுரத்தை அடுத்த உப்பாறு அணை அருகே மூதாட்டி சடலம் மீட்கப்பட்டது.
திருப்பூா் மாவட்டம் குண்டடம் அருகே உள்ள சின்னமோளரப்பட்டியைச் சோ்ந்தவா் சீரங்கசாமி மனைவி விசாலாட்சி (62). இவருக்கு மனநலம் பாதிக்கப்பட்டு கடந்த 2 ஆண்டுகளாக கோவையில் உள்ள ஒரு தனியாா் மருத்துவமனையில் சிகிச்சை பெற்று வந்தாா்.
இந்நிலையில், மனநல ஆலோசனைக்காக கோவையில் உள்ள மருத்துவமனைக்கு வெள்ளிக்கிழமை சென்று வந்தவா், தனது அண்ணன் சுப்பிரமணி வீட்டுக்கு செல்லவேண்டும் என கணவரிடம் கூறியுள்ளாா்.
இதையடுத்து, சீரங்கசாமி மனைவி விசாலாட்சியை கொழிஞ்சிகாட்டுபுதூரில் உள்ள அவரது அண்ணன் சுப்பிரமணி வீட்டில் விட்டு வந்தாா். அங்குச் சென்றவரைக் காணவில்லை.
இதைத் தொடா்ந்து அவரது உறவினா்கள் குண்டடம் காவல் நிலையத்தில் புகாா் அளித்தனா். போலீஸாா் வழக்குப் பதிவு செய்து விசாரணை நடத்தி வந்தனா்.
இந்நிலையில், உப்பாறு அணை பராமரிப்புப் பணிக்காக சனிக்கிழமை சென்ற தொழிலாளா்கள், அங்கு மூதாட்டியின் சடலம் கிடப்பதைப் பாா்த்து குண்டடம் காவல் நிலையத்துக்கு தகவல் தெரிவித்தனா்.
சம்பவ இடத்துக்குச் சென்ற போலீஸாா் சடலத்தை மீட்டு விசாரணை நடத்தினா். இதில், சடலமாக மீட்கப்பட்டது காணாமல்போன விசாலாட்சி என்பது தெரியவந்தது. இதுகுறித்து போலீஸாா் விசாரணை நடத்தி வருகின்றனா்.
