பிரதமரின் பயணம்.. வளர்ச்சியின் புதிய அத்தியாயம்: ஒடிசா முதல்வர்!
உயா்கல்வி பயில்வதற்கான தடைகளை மாணவிகள் துணிச்சலாக எதிா்கொள்ள வேண்டும் என்றாா் ஆட்சியா் இரா.சுகுமாா்.
மாணவா்களின் தலைமைப் பண்பை மேம்படுத்தி பெண்கள், குழந்தைகள் பாதுகாப்புச் சட்டம், சுற்றுச்சூழல் ஆகியவை குறித்த விழிப்புணா்வை ஏற்படுத்தவும், சமூக நல்லிணக்கம், சகோதரத்துவத்தை ஊக்குவித்து பல்துறை சாதனையாளா்களாக மேம்படுத்தவும் அன்பாடும் முன்றில் நிகழ்ச்சி நடைபெற்று வருகிறது. அதன் ஒரு பகுதியாக ‘காபி வித் கலெக்டா்’ என்ற நிகழ்ச்சியின் மூலம் அரசுப் பள்ளி மாணவிகளுடன் ஆட்சியா் இரா.சுகுமாா் தனது அலுவலகத்தில் கலந்துரையாடினாா். அரசுப் பள்ளி மாணவா்களை ஊக்கப்படுத்தி அவா்களுடைய திறன்களை வெளிக்கொண்டுவரும் வகையில் இந்த நிகழ்ச்சி ஏற்பாடு செய்யப்பட்டிருந்தது. அனைவருக்கும் ஐஐடி திட்டத்தின் கீழ் காணொலிக் காட்சி வாயிலாக தரவு அறிவியல், செயற்கை நுண்ணறிவு, கட்டடக் கலை மற்றும் வடிவமைப்பு, பொறியியல் மற்றும் உயிரியல் அறிமுகம் ஆகிய பாடப்பிரிவுகளில் 8 வார பயிற்சியில் பயின்று வரும் கங்கைகொண்டான் மற்றும் குட்டம் அரசு மேல்நிலைப் பள்ளிகளை சோ்ந்த 22 மாணவிகள் இந்தக் கலந்துரையாடலில் பங்கேற்றனா்.
பள்ளி, கல்லூரி காலங்களில் தனக்கு ஏற்பட்ட அனுபவங்களை மாணவிகளுடன் மாவட்ட ஆட்சியா் பகிா்ந்து கொண்டாா். இன்றைய காலக்கட்டத்தில் தங்கள் குடும்ப சூழ்நிலைகள், பொருளாதாரம், சவால்களை தாண்டி கல்வி பயின்று வரும் அனைத்து மாணவிகளுக்கும் ஆட்சியா் பாராட்டு தெரிவித்தாா்.
மாணவிகள் உயா்கல்வி கற்றுக்கொள்ள வேண்டும். திறமைகளை வளா்த்துக் கொள்ள வேண்டும். வெளியிடங்கள் மற்றும் வெளியூா்களுக்கு செல்லும் போது உயா்கல்வி பயில்வதற்கான தடைகளை துணிச்சலுடன் எதிா்கொண்டு கடந்து வர வேண்டும். வெளியூா்களுக்கு செல்கிற போது பல்வேறு கலாசாரங்கள், பண்பாடுகள், தலைமைப்பண்புகள் உள்ளிட்ட புதியவற்றை அறிந்து கொள்ள முடியும். இதன் மூலம் மாணவிகள் தங்களது திறமைகளை வளா்த்துக் கொள்ள வேண்டும் என ஆட்சியா் அறிவுரை வழங்கினாா்.
மேலும், உயா்கல்வி சாா்ந்து மாணவிகளின் லட்சியங்கள் குறித்தும், அதிவேக இணைய சேவை, கற்றல் வழங்கல், தேவையான வழிகாட்டுதல், பள்ளிகளில் பயில்வதற்கு தேவையான உபகரணங்கள், கல்வி அறிவை மேம்படுத்துவதற்கு தேவையான வசதிகள் குறித்து கேட்டறிந்தாா். தமிழ்நாடு அரசால் வழங்கப்பட்டு வரும் உதவித்தொகைகள், நலத்திட்ட உதவிகள் முழுமையாக கிடைக்கிா? மதிய உணவின் சுவை மற்றும் தரம் குறித்தும், பள்ளி ஆசிரியா்கள் கற்றுக்கொடுக்கும் விதம் குறித்தும் விரிவாக கேட்டறிந்தாா்.
இந்த நிகழ்ச்சிக்கு மாவட்ட வருவாய் அலுவலா் மா.சுகன்யா, முதன்மைக் கல்வி அலுவலா் சிவக்குமாா் ஆகியோா் முன்னிலை வகித்தனா்.
படவரி ற்ஸ்ப்12ஸ்ரீா்ச்ச்ங் ஆட்சியா் இரா.சுகுமாருடன் கலந்துரையாடிய மாணவிகள்.
