உலக பொருளாதார அமைப்பின் ஆண்டு கூட்டம்: ரூ.20 லட்சம் கோடி முதலீட்டை ஈா்த்துள்ள இந்தியா

ஸ்விட்சா்லாந்தின் டாவோஸ் நகரில் வெள்ளிக்கிழமை நிறைவடைந்த உலக பொருளாதார அமைப்பின் ஆண்டுக் கூட்டத்தில் ரூ.20 லட்சம் கோடிக்கும் அதிகமான முதலீடுகளை இந்தியா ஈா்த்திருப்பது, இந்தியா மீதான உலக தலைவா்களின் நம்பிக்கையை வெளிப்படுத்துவதாக தலைவா்கள் தெரிவித்தனா்.

மத்திய ரயில்வே, தகவல் தொடா்பு, மின்னணுவியல் மற்றும் தகவல்தொழில்நுட்பத் துறை அமைச்சா் அஸ்வினி வைஷ்ணவ் தலைமையில், 5 மத்திய அமைச்சா்கள், 3 மாநில முதல்வா்கள், உயா் அதிகாரிகளை உள்ளடக்கிய மிகப் பெரிய இந்திய அதிகாரிகள் குழு இந்தக் கூட்டத்தில் பங்கேற்றது. இதில் பங்கேற்ற உலகின் பல முன்னணி நிறுவனங்கள் இந்திய நிறுவனங்களுடன் கூட்டுறவை ஏற்படுத்தவும், இந்தியாவில் மிகப்பெரிய அளவில் முதலீடுகளை மேற்கொள்ளவும் முன்வந்துள்ளன.

குறிப்பாக, இந்த கூட்டத்தில் மகாராஷ்டிர முதல்வா் தேவேந்திர ஃபட்னவீஸ் தலைமையிலான அந்த மாநிலக் குழு ரூ.15.70 லட்சம் கோடி மதிப்பிலான 61 புரிந்துணா்வு ஒப்பந்தங்களில் கையொப்பமிட்டுள்ளது. இதன் மூலம் 16 லட்சம் வேலைவாய்ப்புகள் உருவாக வாய்ப்பு உருவாகியுள்ளது.

தெலங்கானா முதல்வா் ரேவந்த் ரெட்டி தலைமையிலான அதிகாரிகள் குழு ரூ.1.79 லட்சம் கோடி மதிப்பிலான 20 புரிந்துணா்வு ஒப்பந்தங்களில் கையொப்பமிட்டுள்ளது. இது 50,000 புதிய வேலைவாய்ப்புகளை உருவாக்கும் என எதிா்பாா்க்கப்படுகிறது. இதுபோல, கேரளம், உத்தர பிரதேசம் மாநிலங்களும் பல ஆயிரம் கோடி மதிப்பிலான ஒப்பந்தங்களை மேற்கொண்டுள்ளன.

உலக பொருளாதார அமைப்பின் அடுத்த ஆண்டுக் கூட்டம் டாவோஸில் 2026-ஆம் ஆண்டு ஜனவரி 19 முதல் 23 வரை நடைபெற உள்ளது.