திரிவேணி சங்கமத்தில் நீராடி துறவிகளிடம் ஆசி பெற ஆவல்: அமித் ஷா
நடிகை த்ரிஷா அரசியலுக்கு வரப்போவதாக பலர் பதிவிட்டு வருகின்றனர்.
நடிகை த்ரிஷா லியோ, பொன்னியின் செல்வன் படங்களைத் தொடர்ந்து விடாமுயற்சி, குட் பேட் அக்லியில் நடித்து முடித்துள்ளார்.
இதற்கிடையே, கோட் திரைப்படத்தில் ஒரு பாடலுக்கு நடனமாடி வைரலானார். அண்மையில், இவர் நடித்த மலையாளப் படமான ஐடெண்டி திரைப்படம் கலவையான விமர்சனங்களைப் பெற்றது.
சினிமா மட்டுமல்லாது சில தொழில்களிலும் முதலீட்டாளராக இருக்கும் த்ரிஷாவுக்கு இன்னும் திருமணமாகவில்லை. அது குறித்து கேள்விகளையும் மறுத்து வருகிறார்.
இதையும் படிக்க: ஆங்கிலத்திலும் தயாராகும் ஜெயிலர் - 2!
இந்த நிலையில், சில நாள்களாக த்ரிஷா நடிகர் விஜய்யின் அரசியல் கட்சியான தமிழக வெற்றி கழகத்தில் இணைய உள்ளார் என தகவல் பரவி வருகிறது. பல செய்தி நிறுவனங்களும் இதனைச் செய்தியாக வெளியிட்டன.
பின், த்ரிஷாவின் அம்மாவை தொடர்புகொண்டு அரசியலுக்கு த்ரிஷா வருவது உறுதியா? எனக் கேட்டதற்கு அவர், த்ரிஷா அரசியலுக்கு வரும் செய்தியில் உண்மையில்ல்லை. தொடர்ந்து திரைப்படங்களில் நடிப்பார் எனத் தெரிவித்தாராம்.
இதனால், த்ரிஷா அரசியலுக்கு வரவில்லை என்பது உறுதியாகியுள்ளது.
