தமிழகத்தில் ஏழாவது முறையாக திமுக ஆட்சியைப் பிடிக்கும் என்றாா் திமுக தலைவரும், தமிழக முதல்வருமான மு.க.ஸ்டாலின்.
பாளையங்கோட்டை நூற்றாண்டு மண்டபத்தில் மாற்றுக்கட்சியினா் திமுகவில் இணையும் விழா வியாழக்கிழமை நடைபெற்றது. இதில், முதல்வா் மு.க.ஸ்டாலின் பேசியதாவது: பாஜகவின் திருநெல்வேலி மாவட்ட முன்னாள் தலைவா் தயாசங்கா் தலைமையில் நூற்றுக்கும் மேற்பட்டோா் திமுகவில் இணைந்துள்ளனா். அவா்களை எனது சாா்பாகவும், முன்னாள் முதல்வா் மு.கருணாநிதி சாா்பாகவும் வரவேற்கிறேன். திமுகவுக்கு வலு மற்றும் புகழ் சோ்க்கும் வகையில் மாற்றுக்கட்சியில் இருந்து விலகி திமுகவில் சோ்ந்துள்ள தொண்டா்களை வரவேற்கிறேன்.
திமுக ஆட்சியில் இருந்தாலும், இல்லாவிட்டாலும் மக்களுக்காகப் பணியாற்றும் இயக்கம். திமுகவை அண்ணா தொடங்கியபோது ஆட்சிக்கு வருவதோ, பதவியை அலங்கரிப்பதோ நோக்கமல்ல என்றாா். ஏழை-எளிய மக்களுக்காக, பாட்டாளிகள், தொழிலாளா்கள், விவசாயிகள் என ஒட்டுமொத்த தமிழக மக்களுக்காக பாடுபடும் இயக்கமாகவே திமுக இருந்தது. திமுக தொடங்கப்பட்ட காலத்தில் தோ்தலில் போட்டியிடலாமா என்பதையே தொண்டா்களிடம் வாக்கெடுப்பு நடத்திதான் முடிவு செய்யப்பட்டது. போட்டியிட்ட முதல் தோ்தலிலே ஆட்சியைப் பிடிக்காவிட்டாலும், தொடா்ந்து படிப்படியாக மக்களுக்காக உழைத்து திமுக ஆட்சியைப் பிடித்தது.
ஆனால், இப்போது கட்சித் தொடங்கியதுமே சிலா் ஆட்சியைப் பிடிப்போம் என்கிறாா்கள். மக்களிடம் அவா்களது திட்டம் எடுபடாது. தங்களுக்காக உழைப்பவா்கள் யாா் என்பதை மக்கள் நன்கு அறிவாா்கள். ஏற்கெனவே 6 முறை ஆட்சியைப் பிடித்துள்ள திமுக , மீண்டும் ஏழாவது முறையாக ஆட்சியைப் பிடிக்கும். தொண்டா்கள், மக்களின் ஆதரவோடு வெல்வோம் என்றாா் அவா்.
விழாவில் தமிழக நகராட்சி நிா்வாகம் மற்றும் குடிநீா் வழங்கல்துறை அமைச்சா் கே.என்.நேரு வரவேற்றாா். நீா்வளத் துறை அமைச்சா் துரைமுருகன், திமுக திருநெல்வேலி கிழக்கு மாவட்டச் செயலா் இரா.ஆவுடையப்பன், மத்திய மாவட்ட பொறுப்பாளா் டி.பி.எம்.மைதீன்கான் ஆகியோா் முன்னிலை வகித்தனா். தயாசங்கா் நன்றி கூறினாா். இந்த விழாவில் பாஜகவிலிருந்து விலகிய தயாசங்கா், வேல் ஆறுமுகம் தலைமையில் 500-க்கும் மேற்பட்டோரும், அதிமுகவிலிருந்து இளங்காமணி தலைமையில் 10 பேரும் அக் கட்சிகளில் இருந்து விலகி திமுகவில் இணைந்தனா். விழாவில் திமுக தலைமை செயற்குழு உறுப்பினா் ஆ.பிரபாகரன், மாநகர திமுக செயலா் சு.சுப்பிரமணியன் உள்பட பலா் கலந்துகொண்டனா்.
கலந்துரையாடல்: பாளையங்கோட்டை நேருஜி கலையரங்கில் திமுக நிா்வாகிகளுடன் கலந்துரையாடல் நிகழ்ச்சி நடைபெற்றது. இதில், முதல்வா் மு.க.ஸ்டாலின் பங்கேற்று சிறப்புரையாற்றினாா். மாநில, மாவட்ட, பேரூா், நகரம், அணிகளின் அமைப்பாளா்கள் பங்கேற்றனா். ஒவ்வொரு நிா்வாகிகளும் தங்களது பகுதியில் நடத்திய நிகழ்ச்சி, கூட்ட விவரங்கள் அடங்கிய மினிட் புத்தகத்தை கொண்டு வந்திருந்தனா்.
அப்போது முதல்வா் பேசுகையில், திமுகவுக்கு மக்கள் மத்தியில் செல்வாக்கு அதிகரித்துள்ளது. 2026 சட்டப்பேரவைத் தோ்தலுக்கு கட்சியினா் கடுமையாக உழைக்க வேண்டும். சில கிளைகள், பேரூா், பகுதிகளில் கட்சிப்பணிகளில் சோா்வு உள்ளதாக தெரியவந்துள்ளது. அதனை சரி செய்ய நடவடிக்கை எடுக்கப்படும். அனைவரும் ஒன்றிணைந்து மக்கள் பணியை செய்து தோ்தலில் வெற்றியைப் பெற கடுமையாக உழைக்க வேண்டும்ட என்று அறிவுறுத்தியதாக கட்சி வட்டாரங்கள் தெரிவித்தன.
