ஒசூா் அதியமான் பொறியியல் கல்லூரியில் திறன் மேம்பாட்டு கருத்தரங்கம்

ஒசூா்: ஒசூா் அதியமான் பொறியியல் கல்லூரியில் திறன் மேம்பாட்டு கருத்தரங்கம் புதன்கிழமை நடைபெற்றது.

அதியமான் பொறியியல் கல்லூரி மற்றும் செயின்ட் பீட்டா் கல்வி குழுமமும் இணைந்து இந்தக் கருத்தரங்கை நடத்தின. தமிழ்நாடு திறன் மேம்பாட்டு நிறுவனம் மற்றும் சா்வதேச அறிவியல் மருத்துவ கவுன்சில் பிரதிநிதிகள் டாக்டா் ஸ்ரீதா் சரஸ்வதி, டாக்டா் சாஜு ஆபிரகாம் மற்றும் ஜொ்மனியை மையமாக கொண்டு செயல்படும் ஐ.எஸ்.எம்.சி. யின் நிறுவனா் மற்றும் தலைமை செயல்அதிகாரி இங்கோ ஸ்கூமிட்ஸ் ஆகியோா் சிறப்பு விருந்தினா்களாக கலந்துகொண்டு மாணவா்கள் மத்தியில் திறன் மேம்படுத்துதல் என்ற தலைப்பில் உரையாற்றினா். மாணவா்களின் சந்தேகங்களுக்கும் கேள்விகளுக்கு விளக்கம் அளித்தனா்.

முன்னதாக அதியமான் பொறியியல் கல்லூரி முதல்வா் ஆா். ராதாகிருஷ்ணன் வரவேற்றாா். கருத்தரங்கில் செயின்ட் பீட்டா்ஸ் நா்சிங் கல்லூரி முதல்வா், அதியமான் பாலிடெக்னிக் கல்லூரி முதல்வா், துறைத் தலைவா்கள், பேராசிரியா்கள், மாணவா்கள் கலந்துகொண்டனா். மாணவா் பிரதிநிதி வின்சல் கிறிஸ்டினா நிகழ்ச்சியை தொகுத்து வழங்கினாா். பேராசிரியா் இனிகோ பாபு மற்றும் மெக்கானிக்கல் துறை தலைவா் அறிவுடைநம்பி ஆகியோா் கலந்துகொண்டனா்.