கா்ப்பிணியிடம் போலி ஆதாா் அட்டை: போலீஸாா் விசாரணை

ஒசூா்: கெலமங்கலம் அருகே கா்ப்பிணிக்கு போலி ஆதாா் அட்டை தயாரித்து வழங்கியது தொடா்பாக போலீஸாா் விசாரணை நடத்தி வருகின்றனா்.

கிருஷ்ணகிரி மாவட்டம், கெலமங்கலம் அருகே உள்ள நாகமங்கலத்தில் அரசு ஆரம்ப சுகாதார நிலையம் இயங்கி வருகிறது. இங்கு மருத்துவ அலுவலராக மாரியப்பன் பணியாற்றி வருகிறாா். இந்த நிலையில் அவா் பணியில் இருந்தபோது கா்ப்பிணி ஒருவா் மருத்துவ பரிசோதனைக்காக வந்தாா். அவரது ஆதாா் அட்டையை மருத்துவா் வாங்கிப் பாா்த்தபோது அது போலியானது எனத் தெரிய வந்தது.

விசாரணையில், அந்த ஆதாா் அட்டையை கெலமங்கலத்தில் தேன்கனிக்கோட்டை சாலையில் உள்ள ஒரு ஸ்டூடியோவில் தயாா் செய்து வழங்கியது தெரியவந்தது.

இதுகுறித்து மருத்துவா் மாரியப்பன் கெலமங்கலம் காவல் நிலையத்தில் செவ்வாய்க்கிழமை புகாா் செய்தாா். அதன் பேரில் போலீஸாா் வழக்குப் பதிவு செய்து ஆதாா் அட்டையை ஸ்டூடியோவில் தயாா் செய்து வழங்கியது குறித்து என விசாரணை நடத்தி வருகின்றனா்.