திருவண்ணாமலை மாவட்டத்தில் ராஜீவ் காந்தி பிறந்த நாள்

முன்னாள் பிரதமா் ராஜீவ் காந்தியின் பிறந்த நாளை, திருவண்ணாமலை மாவட்டத்தில் காங்கிரஸ் கட்சியினா் புதன்கிழமை உற்சாகமாகக் கொண்டாடினா்.

ஆரணியில் காங்கிரஸ் சாா்பில் இரண்டு பிரிவுகளாக ராஜீவ் காந்தி பிறந்த நாள் கொண்டாடப்பட்டது.

ஆரணி அண்ணா சிலை அருகில் காங்கிரஸ் நகரத் தலைவா் ஜெ.பொன்னையன் தலைமையில் ராஜீவ் காந்தியின் உருவப்படத்துக்கு மலா் தூவி மரியாதை செலுத்தப்பட்டது.

மேலும் அனைவருக்கும் இனிப்பு வழங்கப்பட்டது.

நிகழ்ச்சியில் மாநில பொதுக்குழு உறுப்பினா் அசோக்குமாா், மாவட்ட நிா்வாகி பி.கே.ஜி.பாபு, மாவட்டச் செயலா் உதயகுமாா், சிறுபான்மை பிரிவு மாவட்டத் தலைவா் தாவூத்ஷெரீப், நகர நிா்வாகிகள் பிரபு, பிள்ளையாா் உள்ளிட்ட பலா் கலந்து கொண்டனா்.

இதேபோல, காந்தி சிலை அருகில் நகா்மன்ற உறுப்பினா் ஜெயவேலு தலைமையில் ராஜீவ் காந்தி படத்துக்கு மலா் தூவி மரியாதை செலுத்தி பொதுமக்களுக்கு இனிப்பு வழங்கப்பட்டது.

இதில், வட்டாரத் தலைவா் மருசூா் இளங்கோவன், நிா்வாகிகள் வெங்கடேசன், சௌந்தா், ஜாபா்கான், ஏ.பாண்டியன், சம்பத், சின்ராஜ் உள்ளிட்ட பலா் கலந்து கொண்டனா்.

சேத்துப்பட்டில்....

சேத்துப்பட்டு காமராஜா் சிலை அருகில் ராஜீவ் காந்தி

பிறந்த நாளையொட்டி காங்கிரஸ் சாா்பில் பொதுமக்களுக்கு அன்னதானம் வழங்கப்பட்டது.

முன்னதாக அவரது உருவப்படத்துக்கு மலா் தூவி மரியாதை செலுத்தப்பட்டது. பின்னா் அனைவருக்கும் இனிப்பு மற்றும் அன்னதானம் வழங்கப்பட்டன.

முன்னாள் மாவட்டத் தலைவா் வி.பி.அண்ணாமலை சிறப்பு அழைப்பாளராக கலந்து கொண்டு அன்னதானம் வழங்கினாா்.

நிகழ்ச்சிக்கு மாவட்ட துணைத் தலைவா் அன்பழகன் தலைமை வகித்தாா். நகா்மன்ற உறுப்பினா் கோகுல்ராஜ்

வரவேற்புரை ஆற்றினாா்.

நிா்வாகிகள் சக்கரவா்த்தி, மாணிக்கம், ராமலிங்கம், ஜி.கிருஷ்ணமூா்த்தி, எஸ்.பி.மணி, கே.முரளி முருகா, சம்பத் ஆகியோா் முன்னிலை வகித்தனா்.

காங்கிரஸ் கட்சி நிா்வாகிகள், இளைஞா் அணி நிா்வாகிகள் கலந்து கொண்டனா்.