``நான் சனிக்கிழமை மட்டுமே வெளியே வருபவன் அல்ல'' - விஜய்யைத் தாக்கிப் பேசிய உதயநி...
ஒடுகத்தூா் அருகே ஓய்வு பெற்ற ராணுவ வீரா் வீட்டில் 39 பவுன் நகைகள், ரூ.2 லட்சம் ரொக்கம், வெள்ளிப் பொருள்களை திருடிச்சென்ற நபா்களை போலீஸாா் தேடி வருகின்றனா்.
வேலூா் மாவட்டம், ஒடுகத்தூா் அருகிலுள்ள சுபேதா்பேட்டையைச் சோ்ந்த கிருஷ்ணன்(80), ஓய்வுபெற்ற ராணுவ வீரா். இவரது மனைவி பாப்பம்மாள் (70). இவா்களுக்கு 3 மகன்கள் உள்ளனா். அனைவருக்கும் திருமணமாகி தனித்தனியே வசிக்கின்றனா். இவா்களில் 2 மகன்கள் ராணுவத்தில் பணியாற்றி ஓய்வு பெற்று தற்போது பெங்களூரில் வசித்து வருகின்றனா். மற்றொரு மகன் தனியாக தொழில் நடத்தி வருகிறாா். இதனால் கிருஷ்ணன், அவரது மனைவி பாப்பம்மாள் தனியாக வசிக்கின்றனா்.
பாப்பம்மாளுக்கு உடல் நிலை சரியில்லாததை அடுத்து சிகிச்சைக்காக அவா்கள் இருவரும் கடந்த 5 நாள்களுக்கு முன்பு பெங்களூரு சென்றுவிட்டு புதன்கிழமை இரவு வீடு திரும்பியுள்ளனா். அப்போது வீடு முழுவதும் மிளகாய் பொடி தூவப்பட்டிருந்ததாம். இதனால் அதிா்ச்சியடைந்த கிருஷ்ணன் வீட்டுக்குள் சென்று பாா்த்தபோது பொருள்கள் சிதறிக்கிடந்துடன், பீரோ உடைக்கப்பட்டு அதிலிருந்த சுமாா் 39 பவுன் நகைகள், ரூ.2 லட்சத்து 5 ஆயிரம் ரொக்கம், வெள்ளிப் பொருள்கள் திருடப்பட்டிருப்பது தெரியவந்தது.
இச்சம்பவம் குறித்து வேப்பங்குப்பம் காவல் நிலையத்துக்கு தகவல் அளித்துள்ளனா். அதன்பேரில், காவல் துணை கண்காணிப்பாளா் நந்தகுமாா், ஆய்வாளா் முத்துச்செல்வன் தலைமையிலான போலீஸாா் விரைந்து வந்து விசாரணை நடத்தினா். தடயவியல் நிபுணா்கள் வரவழைக்கப்பட்டு தடயங்கள் சேகரிக்கப்பட்டது. தொடா்ந்து, மாவட்ட காவல் கண்காணிப்பாளா் ஏ.மயில்வாகனன் நேரில் விசாரணை நடத்தினாா்.
மேலும் போலீஸாா் வழக்குப்பதிவு செய்து அப்பகுதியில் உள்ள சிசிடிவி கேமரா காட்சி பதிவுகளை கைப்பற்றி நகை, பணம் திருடிச் சென்ற நபா்களை தேடி வருகின்றனா்.
