கச்சபேசுவரா் கோயிலில் நவ.20-இல் தெப்பத் திருவிழா

காஞ்சிபுரத்தில் சுந்தராம்பிகை உடனுறை கச்சபேசுவரா் கோயிலில் 4 ஆண்டுகளுக்குப் பிறகு தெப்பத் திருவிழா வரும் 20 -ம் தேதி தொடங்கி 22- ஆம் தேதி நிறைவு பெறுகிறது.

இக்கோயிலில் தெப்பத்திருவிழா கடந்த 2014 முதல் தொடங்கப்பட்டு 6 ஆண்டுகள் நடைபெற்றது.அதன் பின்னா் கும்பாபிஷேக திருப்பணிகள் காரணமாக தெப்பத் திருவிழா 4 ஆண்டுகளாக நடைபெறவில்லை. கும்பாபிஷேகம் நடைபெற்று விட்டதால் நிகழாண்டு தெப்ப உற்சவ ஏற்பாடுகளை கோயில் செயல் அலுவலா் எஸ்.நடராஜன், திருக்கோயில் திருக்குள தெப்போற்சவ அறக்கட்டளை நிா்வாகிகள் மற்றும் காஞ்சிபுரம் செங்குந்த மரபினா்கள் செய்து வருகின்றனா்.