கஞ்சா விற்ற பட்டதாரி பெண் கைது

கோவையில் கஞ்சா விற்பனையில் ஈடுபட்ட பட்டதாரி பெண்ணை போலீஸாா் கைது செய்தனா்.

கோவை, கவுண்டம்பாளையம் குடிசைமாற்று வாரிய குடியிருப்பின் பின்புறத்தில் கஞ்சா விற்பனை செய்யப்படுவதாக போலீஸாருக்கு ரகசியத் தகவல் கிடைத்தது. இதையடுத்து, சம்பவ இடத்தில் போலீஸாா் ஞாயிற்றுக்கிழமை இரவு சோதனை மேற்கொண்டனா்.

அப்போது, அங்கு சந்தேகத்துக்கு இடமளிக்கும் வகையில் கையில் பையுடன் நின்று கொண்டிருந்த இளம்பெண்ணிடம் விசாரித்தனா்.

அவா் முன்னுக்குப் பின் முரணாக பதில் அளித்துள்ளாா். சந்தேகமடைந்த போலீஸாா், அவா் வைத்திருந்த பையில் சோதனை மேற்கொண்டபோது, 750 கிராம் கஞ்சா இருந்தது தெரியவந்தது.

விசாரணையில், அவா் பெரியநாயக்கன்பாளையம் அருகேயுள்ள தெற்குபாளையத்தைச் சோ்ந்த அப்துல்லா மகள் சஜனா (23) என்பதும், பட்டதாரியான இவா் உறவினா் ஒருவருடன் சோ்ந்து கஞ்சா விற்பனையில் ஈடுபட்டதும் தெரியவந்தது.

இதையடுத்து, சஜனாவை கைது செய்த போலீஸாா், அவரிடமிருந்த கஞ்சாவை பறிமுதல் செய்தனா்.