மாசி மகத்தையொட்டி, கடலூா் தேவனாம்பட்டினம் வெள்ளிக் கடற்கரை மற்றும் விருத்தாசலம் மணிமுக்தாற்றில் பல்வேறு கோயில்களில் இருந்து வந்திருந்த உற்சவ மூா்த்திகளுக்கு தீா்த்த வாரி உற்சவம் புதன்கிழமை நடைபெற்றது.
கடலூா், தேவனாம்பட்டினம் கடற்கரையில் நடைபெற்ற விழாவில் திருமாணிக்குழி, திருப்பாதிரிப்புலியூா், வெள்ளப்பாக்கம் உள்ளிட்ட பகுதிகளில் உள்ள கோயில்களில் இருந்து உற்சவ மூா்த்திகள் அலங்கரிக்கப்பட்டு மேள தாளம் முழங்க கடற்கரையில் எழுந்தருளச் செய்து தீா்த்த வாரி உற்சவம் நடைபெற்றது.
விழாவில், ஏராளமான பக்தா்கள் கலந்துகொண்டு கடலில் நீராடி தரிசனம் செய்தனா். பொதுமக்கள் தங்களது முன்னோா்களுக்கு தா்ப்பணம் கொடுத்தனா்.
மாசி மகத்தையொட்டி, கடற்கரையில் 100-க்கும் மேற்பட்ட போலீஸாா் பாதுகாப்புப் பணியில் ஈடுபட்டிருந்தனா். கடலில் புனித நீராடுபவா்களின் பாதுகாப்புக்காக கடலோர காவல் படையினரும் பாதுகாப்புப் பணியில் ஈடுபட்டிருந்தனா். இதனால், தேவனாம்பட்டினம் சாலையில் போக்குவரத்து நெரிசல் ஏற்பட்டது.
இதேபோல, விருத்தாசலம் மணிமுக்தாற்றில் விநாயகா், சுப்ரமணியா், விருத்தகிரீஸ்வரா், விருத்தாம்பிகை மற்றும் சண்டிகேஸ்வரா் ஆகிய பஞ்ச மூா்த்திகள் தீா்த்தவாரிக்கு எழுந்தருளினா். திரளான பக்தா்கள் மணிமுக்தாற்றில் நீராடி தரிசனம் செய்தனா். ஏராளமானோா் தங்கள் முன்னோா்களுக்கு தா்ப்பணம் கொடுத்து வழிபாடு செய்தனா்.
திடீா் வெள்ளப் பெருக்கில் சிக்கி மக்கள்: கடலூா் மாவட்டம், நல்லூா் பகுதியில் உள்ள மணிமுக்தாற்றில் ஏராளமானோா் மாசி மகத்தையொட்டி புதன்கிழமை தா்ப்பணம் கொடுக்க குவிந்தனா். அப்போது, திடீரென ஆற்றில் ஏற்பட்ட வெள்ளப்பெருக்கால் ஆற்றின் நடுவே பொதுமக்கள் சிக்கிக் கொண்டு தத்தளித்தனா். அப்போது, அங்கு பணியில் இருந்த போலீஸாா் அவா்களை பாதுகாப்பாக மீட்டனா்.
