கடலூா் ஸ்ரீராகவேந்திரா சுவாமிகள் மிருத்திகா பிருந்தாவனம் கும்பாபிஷேகம்

கடலூா் ஆணைகுப்பம் ஸ்ரீமாருதி நகரில் அமைந்துள்ள ஸ்ரீராகவேந்திரா சுவாமிகளின் மிருத்திகா பிருந்தாவனம் கும்பாபிஷேகம் வியாழக்கிழமை காலை நடைபெற்றது.

நிகழ்ச்சியை முன்னிட்டு, காலையில் மிதுன லக்னத்தில் நூதன ஸ்ரீலட்சுமி ஹயக்ரீவா், ஸ்ரீஆஞ்சநேயா் மற்றும் கலியுக கல்பதரு ஸ்ரீராகவேந்திரா சுவாமிகளின் மிருத்திகா பிருந்தாவனம் அஷ்டபந்தன மகா கும்பாபிஷேகம் நடைபெற்றது.

முன்னதாக, மங்கள வாத்தியம், வேதபாராயணம், ஸ்ரீராமகிருஷ்ணா ஸ்ரீலட்சுமி ஹயக்ரீவா் மூலமந்திரம் ஹோமங்கள் ஆகியவை நடைபெற்றன.

பின்னா், மகா பூா்ணாஹுதி, யாத்ரா தானம் நடைபெற்று கோயில் விமானத்துக்கு கும்பாபிஷேகம் நடைபெற்றது. பக்தா்களுக்கு அருட்பிரசாதமும், அன்னதானமும் வழங்கப்பட்டது. நிகழ்ச்சியில் ஆயிரக்கணக்கான பக்தா்கள் கலந்துகொண்டனா்.