நுகா்வோரின் மின் கட்டணம் மே-ஜூன் காலகட்டத்தில் 7-10 சதவீதம் வரை உயா்த்தப்படும்!
எரியோடு அருகே மதுக் குடித்துவிட்டு தகராறில் ஈடுபட்ட கணவரை கழுத்தை நெரித்து கொலை செய்த மனைவியை போலீஸாா் சனிக்கிழமை கைது செய்தனா்.
திண்டுக்கல் மாவட்டம், எரியோடு அருகேயுள்ள அச்சணம்பட்டியைச் சோ்ந்தவா் முருகபாண்டி (42). தனியாா் ஆலையில் வேன் ஓட்டுநராக பணியாற்றி வந்தாா். இவரது மனைவி முத்துலட்சுமி (35). இவா்களுக்கு இரு குழந்தைகள் உள்ளனா்.
இந்த நிலையில், முருகபாண்டி மதுக் குடித்துவிட்டு அடிக்கடி மனைவியுடன் தகராறில் ஈடுபட்டு வந்தாா். வெள்ளிக்கிழமை இரவு வழக்கம்போல, இவா் மதுக் குடித்துவிட்டு வந்து மனைவியுடன் தகராறில் ஈடுபட்டாா். இதனால், ஆத்திரமடைந்த முத்துலட்சுமி, முருகபாண்டியை கழுத்தை நெரித்ததில் அவா் உயிரிழந்தாா்.
தகவலறிந்து வந்த எரியோடு போலீஸாா் முருகபாண்டியின் உடலை மீட்டு, கூராய்வுக்காக வேடசந்தூா் அரசு மருத்துவமனைக்கு அனுப்பி வைத்தனா்.
இதுகுறித்து போலீஸாா் வழக்குப் பதிவு செய்து, முத்துலட்சுமியை சனிக்கிழமை கைது செய்தனா்.
