கந்தா்வகோட்டை அருகே அரசுப் பேருந்து மோதி இளைஞா் உயிரிழப்பு

கந்தா்வகோட்டை அருகே வியாழக்கிழமை அரசுப் பேருந்து மோதியதில் இளைஞா் உயிரிழந்தாா்.

கந்தா்வகோட்டை ஒன்றியம், புதுநகா் ஊராட்சியில் மேலத்தெருவில் வசித்து வரும் முத்துசாமியின் மகன் ராஜேஷ் (25), விவசாயி. இவா் தனது ஊரிலிருந்து கந்தா்வகோட்டைக்கு வியாழக்கிழமை இருசக்கர வாகனத்தில் சென்று கொண்டிருந்தாா். தஞ்சை- புதுகை தேசிய நெடுஞ்சாலையில் பழைய கந்தா்வகோட்டை அருகே சாலையில் நாய்கள் குறுக்கே சென்ற நிலையில் ராஜேஷ் தனது வாகனத்தை திருப்ப முயன்றபோது புதுக்கோட்டையிலிருந்து தஞ்சாவூா் நோக்கி சென்ற அரசுப் பேருந்து ராஜேஷ் வாகனத்தில் மோதியது, இதில் பலத்த காயம் அடைந்து சம்பவ இடத்திலேயே ராஜேஷ் உயிரிழந்தாா்.

தகவல் அறிந்த கந்தா்வகோட்டை காவல்துறையினா், ராஜேஷ் உடலை கைப்பற்றி கூறாய்விற்காக புதுக்கோட்டை அரசு மருத்துவக் கல்லூரி மருத்துவமனைக்கு அனுப்பி வைத்து விசாரிக்கின்றனா்.