கன்னியாகுமரி மாவட்டத்தில் 58,700 கால்நடைகளுக்கு தடுப்பூசி: ஆட்சியா் தகவல்

கன்னியாகுமரி மாவட்டத்தில் 58,700 கால்நடைகளுக்கு தடுப்பூசி செலுத்தப்படவுள்ளதாக, ஆட்சியா் ரா. அழகுமீனா தெரிவித்தாா்.

மாவட்ட கால்நடை பாரமரிப்புத் துறை சாா்பில், வில்லுக்குறி பேரூராட்சி, கருப்புக்கோடு பகுதியில் கால்நடைகளுக்கு கால்நோய்- வாய்நோய் தடுப்பூசி செலுத்தும் பணியை ஆட்சியா் புதன்கிழமை தொடக்கிவைத்தாா். அப்போது அவா் பேசியது: காற்றில் பரவும் இந்நோயால் பாதிக்கப்படும் கால்நடைகளில் பால் உற்பத்தி குறைந்து பொருளாதார இழப்பு ஏற்படும். நோய் தாக்கிய பசுக்களிடம் பால் அருந்தும் கன்றுகள் இறக்க நேரிடும். இந்நோயிலிருந்து கால்நடைகளைக் காக்க தடுப்பூசி செலுத்துவது ஒன்றே சிறந்த வழி.

அதன்படி, மாவட்டத்தில் 7ஆவது சுற்று தடுப்பூசி செலுத்தும் பணி தொடங்கியுள்ளது. இப்பணி வரும் 31ஆம் தேதி வரை நடைபெறும். இதில், 58,700 கால்நடைகளுக்கு தடுப்பூசி செலுத்த இலக்கு நிா்ணயிக்கப்பட்டுள்ளது. இதற்காக கால்நடை உதவி மருத்துவா்கள், ஆய்வாளா்கள், பராமரிப்பு உதவியாளகளைக் கொண்ட 52 குழுக்கள்அமைக்கப்பட்டுள்ளன என்றாா் அவா்.

நிகழ்ச்சியில், கால்நடை பாராமரிப்புத் துறை மண்டல இணை இயக்குநா் முகம்மதுகான், கால்நடை மருத்துவா்கள், செவிலியா்கள், துறை அலுவலா்கள், விவசாயிகள் பங்கேற்றனா்.