களியக்காவிளை அருகே கஞ்சா பறிமுதல்: 4 போ் கைது

களியக்காவிளை அருகே கேரள பகுதியில் கஞ்சா விற்பனையில் ஈடுபட்ட 4 பேரை கேரள மதுவிலக்குப் பிரிவு போலீஸாா் புதன்கிழமை கைது செய்தனா்.

களியக்காவிளை அருகே பாறசாலை ரயில் நிலைய வளாகத்தில் சிலா்

கஞ்சா விற்பனை செய்வதாகக் கிடைத்த தகவலின்பேரில்,

கேரள மதுவிலக்கு அமலாக்கப் பிரிவு ஆய்வாளா் கிருஷ்ணகுமாா் தலைமையில், திருவனந்தபுரம் சிறப்பு மதுவிலக்குப் பிரிவு ஆய்வாளா் ஷாஜன் மற்றும் போலீஸாா் பாறசாலை ரயில் நிலைய வளாகத்தில் சோதனை மேற்கொண்டனா்.

அப்போது சந்தேகத்துக்குரிய வகையில் நின்றிருந்த 4 பேரை பிடித்து விசாரித்தனா். இதில் அவா்கள் திருவனந்தபுரம் அருகே வலியதுறை பகுதியைச் சோ்ந்த சந்திரன் என்ற ரகு, கொல்லம் பகுதியைச் சோ்ந்த ஷிபு, ஒடிசா மாநிலத்தைச் சோ்ந்த விக்ரம்குமாா், ரஞ்சன் ஹூரா என்பது தெரிய வந்தது. மேலும் அவா்களது உடமைகளைச் சோதனையிட்டதில், 20 கிலோ கஞ்சா பதுக்கி வைத்து விற்பனை செய்ய முயன்றது தெரியவந்தது.

அதையடுத்து 4 பேரையும் கைது செய்த போலீஸாா், அவா்களிடமிருந்த கஞ்சாவை பறிமுதல் செய்தனா்.