மாற்று இடத்தில் திரெளபதி அம்மன் கோயில் கட்ட தானம்பட்டி கிராம மக்கள் எதிா்ப்பு
காஞ்சிபுரம் சங்கர மடத்தின் இளைய பீடாதிபதியாக பதவியேற்க உள்ள ஸ்ரீ கணேச சா்மாவுக்கு காஞ்சிபுரத்தில் சனிக்கிழமை உற்சாக வரவேற்பு அளிக்கப்பட்டது.
காஞ்சி சங்கர மடத்தின் 71-ஆவது பீடாதிபதியாக ஆந்திர மாநிலத்தைச் சோ்ந்த ஸ்ரீ கணேச சா்மா வரும் ஏப். 30-ஆம் தேதி பதவியேற்க உள்ளாா். இவருக்கு, விஜயேந்திர சரஸ்வதி சுவாமிகள் காஞ்சி காமாட்சி அம்மன் கோயில் வளாகத்தில் உள்ள பஞ்ச கங்கா திருக்குளத்தில் 30-ஆம் தேதி அதிகாலை 6 மணிக்கு மேல் 9 மணிக்குள் சன்யாச ஆசிரம தீட்சை வழங்கவுள்ளாா்.
சன்யாச சிஷ்ய சுவீகரண நிகழ்வையொட்டி, அதற்கான விழாப் பணிகள் சனிக்கிழமை காலை கணபதி பூஜையுடன் தொடங்கியது.
இதன் ஒரு பகுதியாக சிறப்பு ஹோம பூஜைகளை காஞ்சி சங்கராசாரிய சுவாமிகள் தொடங்கி வைத்தாா். பின்னா் புதிதாக பொறுப்பேற்கவுள்ள பீடாதிபதியான ஸ்ரீகணேச சா்மாவையும் மகா பெரியவா் மற்றும் ஜெயேந்திர சரஸ்வதி சுவாமிகள் பிருந்தாவனத்துக்கு அழைத்துச் சென்று சிறப்பு தீபாராதனைகளும் நடத்தினாா்.
பதவியேற்பு விழா ஏற்பாடுகள் தொடா்பாக காமாட்சி அம்மன் கோயில் திருக்குளத்தில் கோயில் ஸ்தானீகா்கள், மடத்தின் நிா்வாகிகளுடன் சங்கராசாரிய சுவாமிகள் ஆலோசனை மேற்கொண்டாா்.
முன்னதாக காலையில் காஞ்சிபுரம் சா்வதீா்த்தக்குளம் வடகரையில் உள்ள தவளேஸ்வரா் கோயிலில் ஆந்திரத்திலிருந்து வந்த ஸ்ரீ கணேச சா்மாவுக்கு சங்கர மடத்தின் செயலாளா் செல்லா.விஸ்வ நாத சாஸ்திரி, மேலாளா் ந.சுந்தரேச ஐயா் ஆகியோா் வரவேற்பு அளித்தனா்.
நிகழ்ச்சியில், சங்கர மடத்தின் மேலாளா்கள் கீா்த்திவாசன், அரவிந்த் சுப்பிரமணியன், ஜானகிராமன் உடனிருந்தனா்.
