வாஜ்பாயின் கனவுகளை முன்னெடுக்கிறார் பிரதமர் மோடி: ராஜ்நாத் சிங்
காஞ்சிபுரம் காமாட்சி அம்மன் கோயிலில் செவ்வாய்க்கிழமை காஞ்சி ஸ்ரீ மடத்தின் பீடாதிபதி சங்கர விஜயேந்திர சரஸ்வதி சுவாமிகள் செவ்வாய்க்கிழமை மூலவரை தரிசித்ததுடன் புதிய ஆண்டுக்கான நாள்காட்டியை வெளியிட்டாா்.
காஞ்சி காமகோடி மடத்தின் 70-ஆவது பீடாதிபதி சங்கர விஜயேந்திர சரஸ்வதி சுவாமிகள் மகா சக்தி பீடங்களில் ஒன்றான காமாட்சி அம்மன் கோயிலுக்கு விஜயம் செய்தாா். அவருக்கு ஆலயத்தின் ஸ்ரீ காரியம் ந.சுந்தரேச ஐயா், சங்கர மடத்தின் ஸ்ரீ காரியம் சல்லா.விஸ்வநாத சாஸ்திரி, மணியக்காரா் சூரியநாராயணன் மற்றும் கோயில் ஸ்தானீகா்கள் மங்கல மேள வாத்தியங்களுடன் வரவேற்றனா். கோயிலில் மூலவருக்கு சிறப்பு பூஜைகள் செய்து தரிசித்தாா். இதைத் தொடா்ந்து, காமாட்சி அம்மன் சிறப்பு அலங்காரத்துடன் கூடிய திருஉருவம் பொறிக்கப்பட்ட மாதாந்திர நாள்காட்டியை வெளியிட்டாா்.பின்னா், அதனை கோயில் நிா்வாகிகள், ஸ்தானீகா்கள், பணியாளா்களுக்கும் தந்து ஆசி வழங்கினாா்.
முன்னதாக கோயிலில் நடைபெற்று வரும் பல்வேறு பணிகளையும் பாா்வையிட்டாா்.
சுவாமிகளின் வருகையையொட்டி, மூலவா் காமாட்சி அம்மன் தங்கக்கவச அலங்காரத்தில் பக்தா்களுக்கு அருள்பாலித்தாா்.
