‘காதலிக்க நேரமில்லை’ எப்படி இருக்கும்? கிருத்திகா உதயநிதி பகிர்ந்துள்ள தகவல்
ஜெயம் ரவி நடிப்பில் உருவாகியுள்ள காதலிக்க நேரமில்லை படத்தின் வெளியீட்டுத் தேதி அறிவிக்கப்பட்டுள்ளது.
ரெட் ஜெயன்ட் மூவிஸ் தயாரிப்பில் இயக்குநர் கிருத்திகா உதயநிதி இயக்கத்தில், ஏ.ஆர்.ரஹ்மான் இசையில், ஜெயம் ரவி, நித்யா மெனன் நடிப்பில் உருவான திரைப்படம் "காதலிக்க நேரமில்லை".
ஜெயம் ரவி, நித்யா மெனன் முதன்மை கதாபாத்திரத்தில் நடிக்க யோகி பாபு, லால், வினய், லக்ஷ்மி ராமகிருஷ்ணன், பாடகர் மனோ, டி.ஜே. பானு, ஜான் கோகேன், வினோதினி உள்ளிட்ட பலர் நடித்துள்ளனர்.
முழுக்காதல் திரைப்படமாக உருவாகியுள்ள இது, டிசம்பர் மாதம் திரைக்கு வரும் என எதிர்பார்க்கப்பட்டது.
இப்படத்தின் முதல் பாடலான ‘என்னை இழுக்குதடி’ பாடல் நவ.22இல் வெளியாகி நல்ல வரவேற்பை பெற்றது.
யூடியூப்பில் மட்டும் இந்தப் பாடல் 1 கோடிக்கும் அதிகமான பார்வைகளைப் பெற்றுள்ளது.
இந்த நிலையில் படம் ஜன.14ஆம் தேதி வெளியாகுமென அறிவிக்கப்பட்டுள்ளது.
The more you resist, the more you'll fall in love! #KadhalikkaNeramillai releasing in cinemas on January 14th, 2025!
— Red Giant Movies (@RedGiantMovies_) January 1, 2025
An @arrahman musical @actor_jayamravi@MenenNithya@astrokiru@RedGiantMovies_@tseriessouth@MashookRahman@shobimaster@iYogiBabu@VinayRai1809… pic.twitter.com/rZVlt5AovC
