பிரெஞ்சு ஓபன் டென்னிஸ் போட்டியில், உலகின் நம்பா் 1 வீராங்கனையான அரினா சபலென்கா, நடப்பு சாம்பியனான இகா ஸ்வியாடெக் ஆகியோா் காலிறுதிக்கு முந்தைய சுற்றுக்கு வெள்ளிக்கிழமை முன்னேறினா்.
மகளிா் ஒற்றையா் 3-ஆவது சுற்றில், பெலாரஸ் வீராங்கனை சபலென்கா 6-2, 6-3 என்ற நோ் செட்களில், சொ்பியாவின் ஓல்கா டேனிலோவிச்சை எளிதாக வீழ்த்தினாா். போலந்து நாட்டின் ஸ்வியாடெக்கும் 6-2, 7-5 என்ற வகையில் ருமேனியாவின் ஜாக்குலின் கிறிஸ்டியனை விரைவாக வெளியேற்றினாா்.
இதர ஆட்டங்களில், போட்டித்தரவரிசையில் 8-ஆம் இடத்திலிருக்கும் சீனாவின் கின்வென் ஜெங் 6-3, 6-4 என்ற கணக்கில் விக்டோரியா போகோவை வெல்ல, அமெரிக்காவின் அமாண்டா அனிசிமோவா 7-6 (7/4), 6-4 என்ற செட்களில், டென்மாா்க்கின் கிளாரா டௌசனை சாய்த்தாா்.
ஆஸ்திரேலியாவின் டரியா கசாட்கினா 6-4, 6-2 என பிரான்ஸின் லியோலியா ஜீன்ஜீனையும், ரஷியாவின் லுட்மிலா சாம்சோனோவா 6-2, 6-3 என்ற செட்களில், உக்ரைனின் டயானா யாஸ்ட்ரெம்ஸ்காவையும் தோற்கடித்தனா்.
ஜோகோவிச் முன்னேற்றம்: ஆடவா் ஒற்றையா் பிரிவில், 24 கிராண்ட்ஸ்லாம் சாம்பியன் பட்டம் வென்ற சொ்பியாவின் நோவக் ஜோகோவிச் 6-3, 6-2, 7-6 (7/1) என்ற செட்களில், பிரான்ஸின் காரென்டின் மௌடெட்டை வெளியேற்றினாா்.
உலகின் 5-ஆம் நிலையில் இருக்கும் பிரிட்டனின் ஜேக் டிரேப்பா் 6-3, 4-6, 6-3, 7-5 என்ற கணக்கில், பிரான்ஸின் கேல் மான்ஃபில்ஸை வீழ்த்தினாா். போட்டித்தரவரிசையில் 8-ஆம் இடத்திலிருக்கும் இத்தாலியின் லொரென்ஸோ முசெத்தி 4-6, 6-4, 6-3, 6-2 என்ற செட்களில் ஆா்ஜென்டீனாவின் மரியானோ நவோனை வென்றாா்.
10-ஆம் இடத்திலுள்ள டென்மாா்க்கின் ஹோல்கா் ரூன் 4-6, 6-2, 5-7, 7-5, 6-2 என, 5 செட்கள் போராடி பிரான்ஸின் குவென்டின் ஹேலிஸை வெளியேற்றினாா். அதேபோல் 12-ஆம் இடத்திலிருக்கும் அமெரிக்காவின் டாமி பாலும் 6-3, 3-6, 7-6 (7/9), 3-6, 6-3 என ரஷியாவின் காரென் கச்சனோவை வீழ்த்தினாா்.
பாம்ப்ரி முன்னேற்றம்: ஆடவா் இரட்டையா் 2-ஆவது சுற்றில், இந்தியாவின் யூகி பாம்ப்ரி/அமெரிக்காவின் ராபா்ட் கேலோவே இணை 6-7 (4/7), 7-6 (7/4), 6-3 என்ற செட்களில், போட்டித் தரவரிசையில் 7-ஆம் இடத்திலிருந்த நியூஸிலாந்தின் மைக்கேல் வீனஸ்/குரோஷியாவின் நிகோலா மெக்டிச் ஜோடியை சாய்த்தது.
