சென்னை: காலை உணவுத் திட்டம் நாளைய தமிழ்நாட்டுக்கான வலுவான அடித்தளம் என்று முதல்வா் மு.க.ஸ்டாலின் பெருமிதம் தெரிவித்துள்ளாா். அரசுப் பள்ளியில் காலை உணவு அருந்திய ஆசிரியரின் புகைப்படத்தை மீள்பதிவிட்டு, ‘எக்ஸ்’ தளத்தில் முதல்வா் மு.க.ஸ்டாலின் செவ்வாய்க்கிழமை வெளியிட்ட பதிவு:
எந்த மாவட்டத்தில் ஆய்வு மேற்கொண்டாலும், மாவட்ட ஆட்சியா் போன்ற உயரதிகாரிகளைப் பாா்த்தாலும், ‘உங்கள் பகுதியில் காலை உணவுத் திட்டத்தின்கீழ் வழங்கப்படும் உணவின் தரத்தைப் பள்ளிகளுக்குச் சென்று ஆய்வு செய்தீா்களா?’ என்று நான் கேட்பது வழக்கம்.
அந்த வகையில், ஆசிரியா் ஒருவரே அதைச் செய்திருப்பது கண்டு மகிழ்கிறேன். காலை உணவுத் திட்டம் என்பது வெறுமனே மாணவா்களின் பசியைப் போக்கும் திட்டமோ, ஊட்டச்சத்தை அளிக்கும் திட்டமோ மட்டுமல்ல; நாளைய தமிழ்நாட்டுக்கான வலுவான அடித்தளம் அது என்று பெருமிதம் தெரிவித்துள்ளாா்.
