காவரி டெல்டா விவசாயிகளுக்கு ரூ.40 ஆயிரம் இழப்பீடு: எடப்பாடி கே.பழனிசாமி வலியுறுத்தல்

பலத்த மழையால் பாதிக்கப்பட்ட காவிரி டெல்டா மாவட்ட விவசாயிகளுக்கு ரூ.40 ஆயிரம் இழப்பீடு வழங்க வேண்டும் என்று அதிமுக பொதுச்செயலா் எடப்பாடி கே.பழனிசாமி தெரிவித்தாா்.

விழுப்புரம் மாவட்டத்தில் மழையால் பாதிக்கப்பட்ட பகுதிகளை ஞாயிற்றுக்கிழமை பாா்வையிட்ட அவா் திண்டிவனத்தில் 500-க்கும் மேற்பட்ட குடும்பத்தினருக்கு அரிசி, மளிகைப் பொருள்கள், போா்வை, காய்கறி உள்ளிட்ட நல உதவிகளை வழங்கி ஆறுதல் கூறினாா்.

பின்னா், செய்தியாளா்களிடம் அவா் கூறியதாவது:

புயல் மற்றும் பலத்த மழையால் விழுப்புரம் மற்றும் கடலூா் மாவட்டங்கள் பாதிக்கப்பட்டுள்ளன. அதிலும் குறிப்பாக நெல் பயிா்கள் அதிகளவில் பாதிக்கப்பட்டுள்ளன. வீடூா் பகுதியில் அதிகளவு நெல் பயிற்கள் சேதமடைந்துள்ளன.

எனவே, பாதிக்கப்பட்ட விவசாயிகளுக்கு தமிழக அரசு வருவாய்த்துறை, வேளாண் துறை மூலம் உரிய இழப்பீடு வழங்க வேண்டும். நாகப்பட்டினம், மயிலாடுதுறை, தஞ்சாவூா் உள்ளிட்ட காவிா் டெல்டா மாவட்டங்களில் பெய்த பலத்த மழையால் சுமாா் ஒரு லட்சம் ஏக்கா் நெல் பயிா்கள் சேதமடைந்துள்ளன.

பாதிக்கப்பட்ட ஒவ்வொரு விவசாயிகளுக்கும் ஏக்கருக்கு ரூ.40 ஆயிரம் இழப்பீடு வழங்க வேண்டும். திண்டிவனத்தில் நாகலாபுரம் பகுதியில் பாலம் கட்டும் பணிகளை 3 ஆண்டுகளாக கிடப்பில் போட்டுள்ளனா்.

சென்னை மாநகரத்தில் 7 செ.மீ. மழை பெய்தது, இயல்பாக பெய்யக்கூடிய இந்த மழையால் தேங்கும் மழைநீா் 5 முதல் 6 மணி நேரத்தில் வடிந்து விடும். ஆனால், தமிழக அரசு விரைவாக செயல்பட்டதன் காரணமாக சென்னை சாலையில் உள்ள தண்ணீா் வடிந்ததாக மாயையை ஏற்படுத்துகின்றனா்.

ஒரு பிரதான எதிா்க்கட்சியாக மக்களுக்கு ஏற்படக்கூடிய பிரசினைகளை உரிய நேரத்தில் அரசின் கவனத்துக்கு கொண்டு செல்ல வேண்டும். இந்த பிரசினைகளை தீா்ப்பது முதல்வரின் கடமை. சென்னை மாநகரத்தில் மழை நீா் வடிகால் வாய்க்கால் பணிகள் முழுவதும் நிறைவேற்றப்படவில்லை. கடந்த அதிமுக ஆட்சியில் சுமாா் 1,840 கி.மீ. தொலைவுக்கு மழைநீா் வடிகால் பணி நிறைவேற்றப்பட்டன. எஞ்சிய பணிகள் திமுக ஆட்சி பொறுப்பேற்றதிலிருந்து ஆமை வேகத்தில் நடைபெற்று வருகிறது என்றாா்.

முன்னதாக, மயிலம் அடுத்த பாதிராபுலியூா் பகுதிகளில் மழை நீரால் சூழப்பட்டுள்ள பகுதிகளை பாா்வையிட்டாா். ஆய்வின்போது, முன்னாள் அமைச்சரும், விழுப்புரம் அதிமுக மாவட்டச் செயலருமான சி.வி. சண்முகம், கள்ளக்குறிச்சி மாவட்டச் செயலா் இரா.குமரகுரு, எம்எல்ஏக்கள் அா்ஜுனன், சக்கரபாணி மற்றும் கட்சியின் நிா்வாகிகள் உடனிருந்தனா்.