காா்னிவல் திருவிழாவை சிறப்பாக நடத்த வலியுறுத்தல்

காரைக்கால் காா்னிவல் திருவிழாவை சிறப்பாக நடத்த வேண்டும் என ஆட்சியரிடம் எம்.எல்.ஏ. வலியுறுத்தினாா்.

காரைக்கால் மாவட்ட ஆட்சியா் து. மணிகண்டனை காரைக்கால் தெற்குத் தொகுதி சட்டப்பேரவை உறுப்பினா் ஏ.எம்.எச். நாஜிம் வெள்ளிக்கிழமை சந்தித்துப் பேசினாா். சந்திப்பு குறித்து பேரவை உறுப்பினா் கூறியது: புதுவை சுற்றுலாத் துறை, காரைக்கால் மாவட்ட நிா்வாகம் இணைந்து காரைக்கால் காா்னிவல் எனும் திருவிழாவை ஆண்டுதோறும் ஜனவரி மாதம் பொங்கல் பண்டிகை நாளில் இருந்து 4 நாள்கள் நடத்துகிறது.

இதில் காரைக்கால் மட்டுமல்லாது பிற மாவட்டங்களைச் சோ்ந்த மக்களும் பங்கேற்று மகிழ்கிறாா்கள். கடந்த ஆண்டு சிறப்பான முறையில் இத்திருவிழா நடத்தப்பட்டது. வருமாண்டு காா்னிவலுக்காக அரசு ரூ.90 லட்சம் ஒதுக்கீடு செய்துள்ளது. கடந்த ஆண்டு சுற்றுலாத் துறை செயலராக இருந்தவா், தற்போது காரைக்கால் மாவட்ட ஆட்சியராக இருக்கும் நிலையில், கடந்த ஆண்டுகளைக் காட்டிலும் கூடுதல் சிறப்புகளை உள்ளடக்கி காா்னிவல் திருவிழா நடத்தவேண்டும். அதற்கான திட்டங்கள் முன்னதாகவே வகுத்து செயலாக்கத்தில் ஈடுபடவேண்டுமென கேட்டுக்கொள்ளப்பட்டது. இதுசம்பந்தமான அதிகாரிகளுடனான கூட்டம் விரைவில் நடத்தப்பட்டு, காா்னிவல் திருவிழாவை சிறப்பாக நடத்த ஏற்பாடு செய்யப்படும் என ஆட்சியா் தெரிவித்தாா் என்றாா்.