நெய்வேலி: கடலூா் மாவட்டம், விருத்தாசலம் வேளாண்மை அறிவியல் நிலையத்தில் பிரதமா் ‘கிசான் சம்மான் சமரோஹ்’ நிகழ்ச்சி திங்கள்கிழமை நேரடியாக ஒளிபரப்பு செய்யப்பட்டது.
பிரதமரின் பிஎம் கிசான் திட்டத்தின் ‘கிசான் சம்மான் சம்ரோஹ்’ நிகழ்ச்சியின் 19-ஆவது தவணை பிப்.24-ஆம் தேதி பிகாா் மாநிலம், பாகல்பூரில் நடைபெற்றது.
இந்த நிகழ்ச்சி விருத்தாசலம் வேளாண்மை அறிவியல் நிலையத்தில் திங்கள்கிழமை பிற்பகல் 2 மணி முதல் 4.30 வரை விவசாயிகளுக்கு நேரடியாக ஒளிபரப்பு செய்யப்பட்டது.
அறிவியல் நிலைய திட்ட ஒருங்கிணைப்பாளா் க.நடராஜன் நிகழ்ச்சியை தொடங்கிவைத்தாா். சிறப்பு விருந்தினராக விருத்தாசலம் எம்எல்ஏ எம்.ஆா்.ஆா்.ராதாகிருஷ்ணன் கலந்துகொண்டாா்.
நிகழ்ச்சியில், தேசிய உர நிறுவனம் சாா்பாக உதவி பகுதி மேலாளா் ரகுபதிராஜா பங்கேற்று இயற்கை உரங்கள் குறித்து விவசாயிகளுக்கு விழிப்புணா்வு ஏற்படுத்தினாா்.
இதில், கடலூா் மாவட்டத்தைச் சோ்ந்த ஏராளமான விவசாயிகள் கலந்துகொண்டனா்.
