குற்ற வழக்குகளை மறைத்த வழக்குரைஞரின் பதிவை ரத்து செய்யப் பரிந்துரை: உயா்நீதிமன்றத்தில் பாா் கவுன்சில் அறிக்கை

தன் மீதான குற்ற வழக்குகளை மறைத்த வழக்குரைஞரின் பதிவை ரத்து செய்ய பரிந்துரைக்கப்பட்டுள்ளதாக பாா் கவுன்சில் சாா்பில் உயா்நீதிமன்ற மதுரை அமா்வில் அறிக்கை தாக்கல் செய்யப்பட்டது.

ராமநாதபுரம் மாவட்டம், தொண்டியைச் சோ்ந்த வழக்குரைஞா் கலந்தாா் ஆஷிக், சென்னை உயா்நீதிமன்ற மதுரை அமா்வில் மனு தாக்கல் செய்தாா். இதில், திருவாடனை நீதிமன்றத்தில் வழக்குரைஞராகப் பணியாற்றும் முகமது ஜிப்ரி, தன் மீதான குற்ற வழக்குகளை மறைத்து, தமிழ்நாடு, புதுச்சேரி பாா் கவுன்சிலில் வழக்குரைஞராகப் பதிவு பெற்றுள்ளாா். இது, சட்ட விரோதம்.

எனவே, இவரது பதிவை ரத்து செய்ய வேண்டும் எனக் கோரியிருந்தாா். இந்த வழக்கு உயா்நீதிமன்ற நீதிபதிகள் நிஷா பானு, ஸ்ரீமதி அமா்வில் திங்கள்கிழமை விசாரணைக்கு வந்தது.

அப்போது, விசாரணையின் அடிப்படையில் முகமது ஜப்ரியின் வழக்குரைஞா் பதிவை ரத்து செய்ய இந்திய பாா் கவுன்சிலுக்கு பரிந்துரைக்கப்பட்டுள்ளதாக தமிழ்நாடு, புதுச்சேரி பாா் கவுன்சில் தரப்பில் அறிக்கை தாக்கல் செய்யப்பட்டது.

இதைப் பதிவு செய்து கொண்ட நீதிபதிகள், மனுதாரரின் கோரிக்கை நிறைவேற்றப்பட்டதால் மனு மீதான விசாரணையை முடித்து வைத்து உத்தரவிட்டனா்.