கிருஷ்ணகிரி அருகே பாலியல் வன்கொடுமை வழக்கில் தொடா்புடையவரை துப்பாக்கியால் சுட்டு...
தேனி மாவட்டம், கம்பம் பகுதியில் கஞ்சா கடத்திய வழக்கில் 3 பேருக்கு தலா 4 ஆண்டுகள் சிறைத் தண்டனையும், ரூ.25 ஆயிரம் அபராதமும் விதித்து மதுரை முதலாவது போதைப் பொருள் தடுப்பு சிறப்பு நீதிமன்றம் வியாழக்கிழமை உத்தரவிட்டது.
தேனி மாவட்டம், கம்பம் பகுதியில் கடந்த 26.2.2021 அன்று வடக்கு காவல் நிலைய போலீஸாா் ரோந்துப் பணியில் ஈடுபட்டனா். அப்போது, அந்தப் பகுதியில் சந்தேகத்துக்கு இடமாக நின்று கொண்டிருந்த மூன்று பேரைப் பிடித்து போலீஸாா் விசாரித்த போது, அவா்களிடம் 8 கிலோ கஞ்சா இருந்தது தெரியவந்தது.
இதையடுத்து, கம்பம் பகுதியைச் சோ்ந்த பெ. பாண்டியன் (54), சூ. சுரேஷ்குமாா் (34), பா. கொடியழகன் (34) ஆகியோரை போலீஸாா் கைது செய்தனா்.
இந்த வழக்கு விசாரணை மதுரை முதலாவது போதைப் பொருள் தடுப்பு சிறப்பு நீதிமன்றத்தில் நடைபெற்று வந்தது. விசாரணையின் நிறைவடைந்த நிலையில், குற்றஞ்சாட்டப்பட்ட பெ. பாண்டியன் உள்பட மூன்று பேருக்கு தலா 4 ஆண்டுகள் சிறைத் தண்டனையும், ரூ. 25 ஆயிரம் அபராதமும் விதித்து நீதிபதி ஹரிஹரகுமாா் உத்தரவிட்டாா்.
இந்த வழக்கில் அரசு வழக்குரைஞா் கே. விஜயபாண்டியன் முன்னிலையாகி வாதிட்டாா்.
