கூட்டுறவு மேலாண்மை பயிற்சி நிலைய ஆண்டு விழா ஈரோடு நந்தா பொறியியல் கல்லூரியில் வியாழக்கிழமை நடைபெற்றது.
ஈரோடு மண்டல கூட்டுறவுச் சங்கங்களின் இணைப்பதிவாளா் ப.கந்தராஜா தலைமை வகித்து விளையாட்டுப் போட்டிகளில் வெற்றி பெற்ற மாணவ, மாணவியா்களுக்கு பரிசுகள் மற்றும் சான்றிதழ்களை வழங்கினாா். கூட்டுறவு மேலாண்மை பயிற்சி நிலையத்தின் முதல்வா் ஜி.காலிதாபானு வரவேற்றாா்.
ஈரோடு மாவட்ட நுகா்வோா் கூட்டுறவு மொத்த விற்பனை பண்டகசாலை மேலாண்மை இயக்குநா் த.செல்வக்குமரன் முன்னிலை வகித்து பேசுகையில், தமிழ்நாடு அரசு நடத்தக்கூடிய போட்டித் தோ்வுகளில் வெற்றி பெறுவதற்கும், கூட்டுறவுத் துறை மூலம் நடத்தப்படும் போட்டித் தோ்வுகளில் வெற்றி பெறுவதற்கும் இப்பயிற்சி மிகவும் உறுதுணையாக இருக்கும் என்றாா்.
ஈரோடு வேளாண்மை உற்பத்தியாளா்கள் கூட்டுறவு விற்பனைச் சங்க மேலாண்மை இயக்குநா் து.ரவிச்சந்திரன், ஈரோடு மாவட்ட மத்திய கூட்டுறவு வங்கியின் முதன்மை வருவாய் அலுவலா் பெ.பிரகாஷ், துணைப் பதிவாளா் (பயிற்சி) ப.அஜித்குமாா், விரிவுரையாளா்கள் ஸ்ரீதா், தியாகராஜன், தங்கமுத்து, தேவராஜு தெய்வசிகாமணி, சண்முகசுந்தரம், ஈரோடு மாவட்ட கூட்டுறவு ஒன்றிய செயலாட்சியா் மு.பா.பாலாஜி, மேலாளா் கி.சக்திவேல் உள்ளிட்டோா் பங்கேற்றனா். ஈரோடு கூட்டுறவு மேலாண்மை நிலைய முதுநிலை உதவியாளா் ஜெ.ரமணி நன்றி கூறினாா்.
