திருச்செந்தூா் அருகே கல்லூரி விரிவுரையாளா் வீட்டில் நகை, பணம் கொள்ளை அடித்த வழக்கில், 21 ஆண்டுகளுக்குப் பி றகு குற்றவாளிக்கு 7 ஆண்டு சிறை, ரூ. 10 ஆயிரம் அபராதம் விதித்து திருச்செந்தூா் சாா்பு நீதிமன்றத்தில் தீா்ப்பளிக்கப்பட்டது.
திருச்செந்தூா், குமாரபுரத்தைச் சோ்ந்தவா் நாகேந்திரன் மனைவி சூா்யகலா, மகளிா் கல்லூரி விரிவுரையாளா்.
கடந்த 2004ஆம் ஆண்டு மாா்ச் மாதம் 12ஆம் தேதி இரவு 9 மணிக்கு, இவரது பெற்றோா் மற்றும் குழந்தைகளுடன் வீட்டில் இருந்துள்ளாா். அப்போது இரண்டு நபா்கள் வீடு புகுந்து புருஷோத்தமனை அரிவாளால் வெட்டி, மிரட்டி பெண்கள் அணிந்திருந்த நகைகள் மற்றும் வீட்டின் பீரோவிலிருந்த நகைகள் என மொத்தம் 29 பவுன் மற்றும் ரூ. 3 ஆயிரத்தை கொள்ளையடித்துச் சென்றனா்.
இதுகுறித்து திருச்செந்தூா் தாலுகா போலீஸாா் வழக்குப் பதிந்து, விருதுநகா் மாவட்டத்தைச் சோ்ந்த ஜெயபால், சிவகங்கை மாவட்டம், திருப்பாச்சேத்தியைச் சோ்ந்த சின்னப்பசாமி மகன் சங்கா் (எ) சங்கரன் (எ) சங்கரேஸ்வரனை திருச்செந்தூா் தாலுகா போலீஸாா் கைது செய்தனா்.
இந்த வழக்கு விசாரணை, திருச்செந்தூா் சாா்பு நீதிமன்றத்தில் புதன்கிழமை விசாரணைக்கு வந்தது. அப்போது வழக்கில் ஜெயபால் இறந்து விட்ட நிலையில், சங்கா்(எ) சங்கரன் (எ) சங்கரேஸ்வரனுக்கு 7 ஆண்டு சிறை தண்டனையும், ரூ. 10 ஆயிரம் அபராதமும் விதித்து திருச்செந்தூா் சாா்பு நீதிமன்ற நீதிபதி செல்வபாண்டி தீா்ப்பளித்தாா்.
21 ஆண்டுகள் கழித்து, இந்த வழக்கில் தண்டனை வழங்கப்பட்டுள்ளது.
