கோடை விடுமுறையையொட்டி கோவை - ராஜஸ்தான் இடையே சிறப்பு ரயில்

கோடை விடுமுறையையொட்டி, கோவையில் இருந்து ராஜஸ்தான் மாநிலம் ஜெய்ப்பூா் அருகே பஹத் கி கோதி ரயில் நிலையத்துக்கு சிறப்பு ரயில் இயக்கப்பட உள்ளதாக ரயில்வே நிா்வாகம் சாா்பில் தெரிவிக்கப்பட்டுள்ளது.

இதுதொடா்பாக, சேலம் ரயில்வே கோட்ட நிா்வாகம் வெளியிட்டுள்ள செய்திக் குறிப்பு:

கோடை விடுமுறையையொட்டி, ஏப்ரல் 10-ஆம் தேதி முதல் ஜூலை 3-ஆம் தேதி வரை வியாழக்கிழமைகளில் பிற்பகல் 2.30 மணிக்கு கோவையில் இருந்து புறப்படும் கோவை - பஹத் கி கோதி சிறப்பு ரயில் (எண்: 06181) சனிக்கிழமைகளில் காலை 11.30 மணிக்கு பஹத் கி கோதி ரயில் நிலையத்தைச் சென்றடையும்.

மறுமாா்க்கத்தில் ஏப்ரல் 13 முதல் ஜூலை 6-ஆம் தேதி வரை ஞாயிற்றுக்கிழமைகளில் இரவு 11 மணிக்கு பஹத் கி கோதி ரயில் நிலையத்தில் இருந்து புறப்படும் பஹத் கி கோதி- கோவை சிறப்பு ரயில் (எண்: 06182) புதன்கிழமைகளில் காலை 9.30 மணிக்கு கோவை ரயில் நிலையத்தை சென்றடையும்.

இந்த ரயிலானது, திருப்பூா், ஈரோடு, சேலம், ஜோலாா்பேட்டை, காட்பாடி, ரேணிகுண்டா, கடப்பா, கூட்டி, குா்னூல் சிட்டி, காச்சிகுடா, நிஜாமாபாத், வாசிம், அகோலா, சூரத், வதோதரா, சபா்மதி உள்ளிட்ட ரயில் நிலையங்களில் நின்று செல்லும் என அதில் தெரிவிக்கப்பட்டுள்ளது.