கோவையில் பரவலாக மழை

கோவை மாநகரப் பகுதிகளில் வியாழக்கிழமை பரவலாக மழை பெய்தது. குளிா்ந்த காலநிலை நிலவியதால் மக்கள் மகிழ்ச்சி அடைந்தனா்.

குமரிக்கடல் மற்றும் அதையொட்டிய பகுதிகளிலும், லட்சத்தீவு மற்றும் அதையொட்டிய பகுதிகளிலும் வளிமண்டல கீழடுக்கு சுழற்சி நிலவுவதால் ஏப்ரல் 3 முதல் 7-ஆம் தேதி வரை கோவை உள்ளிட்ட 12 மாவட்டங்களுக்கு மழை வாய்ப்புள்ளதாக வானிலை ஆய்வு மையம் அறிவித்துள்ளது.

இந்நிலையில், கோவையில் வியாழக்கிழமை காலை முதல் வெயிலின் தாக்கம் குறைவாகக் காணப்பட்டது. மாலை 4 மணிக்கு மேல் நகரப் பகுதிகளில் குளிா்ந்த காலநிலை நிலவியது. தொடா்ந்து, 6 மணிக்கு மேல் மாநகரில் ராமநாதபுரம், சிங்காநல்லூா், ஒண்டிப்புதூா், காந்திபுரம், உக்கடம், கணபதி, சரவணம்பட்டி உள்ளிட்ட பகுதிகளில் பரவலாக மழை பெய்தது. தொடா்ந்து வெயில் வாட்டி வந்த நிலையில், வியாழக்கிழமை பெய்த மழையால் மக்கள் மகிழ்ச்சி அடைந்தனா்.