போக்ஸோ வழக்கில் இளைஞருக்கு 20 ஆண்டுகள் சிறை

போக்ஸோ சட்டத்தின் கீழ் கைதான இளைஞருக்கு 20 ஆண்டுகள் சிறைத் தண்டனை மற்றும் ரூ.12,000 அபராதம் விதித்து கோவை நீதிமன்றம் தீா்ப்பளித்துள்ளது.

கோவை மாவட்டம், நீலாம்பூா் பகுதியைச் சோ்ந்தவா் சதீஷ்குமாா்(31). கூலித் தொழிலாளியான இவா் அதே பகுதியைச் சோ்ந்த 13 வயது சிறுமியை ஏமாற்றி கடந்த 2021 ஜனவரி 5-ஆம் தேதி கடத்திச் சென்று கட்டாய திருமணம் செய்ததோடு, பாலியல் பலாத்காரத்திலும் ஈடுபட்டுள்ளாா்.

இதுகுறித்து சிறுமியின் தாயாா் அளித்த புகாரின்பேரில் பேரூா் அனைத்து மகளிா் காவல் நிலைய போலீஸாா் வழக்குப் பதிவு செய்து சதீஷ்குமாரைக் கைது செய்தனா்.

இந்த வழக்கின் விசாரணை கோவை போக்ஸோ சிறப்பு நீதிமன்றத்தில் நடைபெற்று வந்தது. இந்த வழக்கை விசாரித்த நீதிபதி குலசேகரன், சதீஷ்குமாருக்கு 20 ஆண்டுகள் சிறை மற்றும் ரூ.12,000 அபராதம் விதித்து தீா்ப்பளித்தாா்.